सॉफ्ट टेनिस स्पर्धेवर यजमान जळगावचे वर्चस्व

लोकमत न्यूज नेटवर्क

जळगाव : सातव्या सबज्युनिअर आणि आठव्या वरिष्ठ सॉफ्ट टेनिस स्पर्धेत यजमान जळगावच्या संघाने वर्चस्व राखले. यात जळगावने वरिष्ठ मुलींच्या गटात प्रथम स्थान पटकावले. तर सबज्युनियर मुलींमध्ये दुसरे, मुलांच्या वरिष्ठ गटात दुसरे आणि सबज्युनियर गटात तिसरे स्थान मिळवले. या स्पर्धेचा समारोप सोमवारी जळगाव जिल्हा क्रीडा संकुलात करण्यात आला. तीन दिवस चाललेल्या या स्पर्धेत राज्यभरातून संघ सहभागी झाले होते.

स्पर्धेचे पारितोषिक वितरण राष्ट्रवादीचे माजी जिल्हाध्यक्ष विनोद देशमुख, नगरसेवक राजू मराठे, जळगाव सॉफ्ट टेनिस संघटनेचे अध्यक्ष कुलभूषण पाटील, सत्यजित पूर्णपात्रे, उपाध्यक्ष सागर सपकाळे, महाराष्ट्र सॉफ्ट टेनिस संघटनेचे अध्यक्ष व कार्याध्यक्ष सुनील पूर्णपात्रे, सागर पाटील यांच्या हस्ते करण्यात आले.

यशस्वीतेसाठी महाराष्ट्र संघटनेचे सचिव रवींद्र सोनवणे, जळगाव जिल्हा साफ्ट टेनिस असोसिएशनचे सचिव दीपक आर्डे, अमोल पाटील , पवन पाटील, कृपालसिंग ठाकूर यांनी परिश्रम घेतले.

निकाल

(प्रथम,द्वितीय, तृतीय अनुक्रमे)

सबज्युनिअर मुले

सोलापूर, उस्मानाबाद, जळगाव

सीनिअर मुले - औरंगाबाद, जळगाव, उस्मानाबाद

सबज्युनिअर मुली

बुलडणा, जळगाव, मुंबई

सीनिअर मुली

जळगाव, बुलढाणा, मुंबई

फोटो -