जळगाव बसस्थानकात चोरटय़ास बदडले

एसटी बसमध्ये चढताना प्रवाशाच्या खिशातील रक्कम चोरणा:या सागर महारु सपकाळे या संशयित चोरटय़ाला प्रवाशांनी रंगेहाथ पकडून बदडल्याची घटना घडली.

 जळगाव,दि.16- एसटी बसमध्ये चढताना प्रवाशाच्या खिशातील रक्कम चोरणा:या सागर महारु सपकाळे (वय 24 रा.धामणगाव, ता.जळगाव ह.मु.चौघुले प्लॉट, शनी पेठ जळगाव) या संशयित चोरटय़ाला प्रवाशांनी रंगेहाथ पकडून बदडल्याची घटना शनिवारी दुपारी दोन वाजता नवीन बसस्थानकात घडली. सपकाळे याला पोलिसांनी ताब्यात घेतले असून तो पाकीट चोरीच्या गुन्ह्यातील सराईत असल्याचे पोलिसांनी सांगितले.

मूळचे पारोळा येथील रहिवाशी असलेले बाळकृष्ण माधवराव नावरकर (वय 50 ह.मु.वाघ नगर, जळगाव) हे औषध प्रतिनिधी म्हणून काम करतात. शनिवारी अमळनेर येथे जाण्यासाठी दुपारी पावणे दोन वाजता ते बसस्थानकात आले. तेथे त्यांनी भाडय़ासाठी शंभर रुपये शर्टाच्या खिशात तर उर्वरित 900 रुपये पॅँटच्या मागील खिशात ठेवले होते. दोन वाजता अमळनेर  बसमध्ये चढताना नावरकर यांच्या पॅँटच्या मागच्या खिशातून 900 रुपये कोणीतरी काढल्याचे त्यांना जाणवले होते.