जळगाव जिल्हा वकील संघातर्फे न्यायाधीशांना निरोप

जिल्ह्यातून बदली झालेल्या न्यायाधीशांना जिल्हा वकील संघातर्फे नुकताच निरोप देण्यात आला.

 जळगाव,दि.8- जिल्ह्यातून बदली झालेल्या न्यायाधीशांना जिल्हा वकील संघातर्फे नुकताच निरोप देण्यात आला. न्यायालयातील बार कक्ष क्रमांक 116 मध्ये प्रमुख जिल्हा व सत्र न्यायाधीश एम.ए.लव्हेकर यांच्या प्रमुख उपस्थितीत व वकील संघाचे अध्यक्ष अॅड.एल.व्ही.वाणी यांच्या अध्यक्षतेखाली हा सोहळा झाला.

जिल्हा व सत्र न्यायाधीश के.पी.नांदेडकर, न्या.एस.एस.पाखले, न्या.आर.बी.ठाकूर, न्या. एस.बी.देवरे, न्या.आर.एस.नाथाणी, न्या.एच.के.बनकर व न्या.एस.एम.शिंदे यांच्या बदलीचे आदेश काही दिवसांपूवी शासनाने काढले. या सर्व न्यायाधीशांचा सत्कार जिल्हा वकील संघातर्फे करण्यात आला. न्या.नांदेडकर व न्या.देवरे यांनी जळगावात काम करत असताना आलेले अनुभव कथन केले. वकील संघाच्या उपाध्यक्षा अॅड.स्वाती निकम यांनी प्रास्ताविक केले तर अॅड.आर.के.पाटील व अॅड.सुनील चौधरी यांनी मनोगत व्यक्त केले. मानद सचिव अॅड.गोविंद तिवारी यांनी आभार मानले. अॅड.संतोष सांगोळकर, अॅड.अशोक महाजन, अॅड.श्रध्दा काबरा व सदस्य उपस्थित होते.