जीप-कारची समोरासमोर धडक, १२ जण जखमी

पाचोरा-भडगाव रोडवरील घटना

पाचोरा : भडगावकडून पाचोऱ्याकडे पंढरपुरहून लग्नाचे वºहाड घेऊन येत असलेल्या जीपला पाचोºयाहून भडगावकडे भरधाव वेगाने जाणाºया कारची पाचोरा -भडगाव महामार्गावर जोरदार धडक बसून १२ जण जखमी झाले. ही घटना बुधवारी दुपारी सव्वा चार वाजता घडली.
याबाबत प्राप्त माहिती अशी की, पंढरपूरहून पाचोरा येथे लग्नासाठी वºहाडी महिलांना घेऊन येत असलेली क्रूझर जीप (एमएच-१३-एसी-९५८९) व पाचोºयाहून भडगावकडे भरधाव वेगाने जात असलेली कार (एमएच-१७-एझेड ३६०५) या वाहनांची समोरासमोर जोरदार धडक झाली. यावेळी जीपचालक नीलेश अंकुश गाडगे रा. पंढरपूर यांनी प्रसंगावधान राखत गाडी रस्त्याच्या खाली वळवली. यामुळे वºहाडी मंडळी किरकोळ जखमी झाले. जीपमध्ये ७ महिला, १ पुरुष व चालक होता. मात्र, कारमधील युवक नशेत असल्याचे प्रत्यक्षदर्शींनी सांगितले. यात कारचा चक्काचूर झाला असून त्यातील युवक गंभीर जखमी आहेत.
कारमधील जखमी : विकी आष्टेकर (३०), विशाल डोहळे (२९), मयूर भालेकर (३०), आदेश प्रभात(३२) सर्व रा.संगमनेर(जि.नगर)
जीमधील जखमी
नवरीची आई सुनीता सुभाष कोताळे (३८), सुभाष मनोहर कोताळे (४५), दिपाली युवराज गायकवाड (३५, चळे, ता.पंढरपूर), कांचन विनोद सावत (३१, रा.चळे ता.पंढरपूर), इंदू भारत मोरे (४८ , रा.चळे, ता.पंढरपूर), यश सुभाष कोताळे (१५, रा.चळे, ता. पंढरपूर, गंगा शिवाजी गायकवाड (३८, रा.पापरी,ता.पंढरपूर), सीमा रमेश मोळक (३५, रा.चळे, ता. पंढरपूर). जखमींना उपचारासाठी येथील खासगी रुग्णालयात दाखल करण्यात आल आहे.