प्रथम कन्यारत्न प्राप्त मातांचा कजगाव येथे सत्कार

कजगाव येथे सरपंच वैशाली पाटील यांच्यातर्फे येथील प्रथम कन्यारत्न प्राप्त अशा ३८ महिलांचा नागरी सत्कार मान्यवर महिलांच्या उपस्थितीत महिला दिनी झाला.

ठळक मुद्देग्रामीण भागात पहिल्यांचाच महिलांचा झाला सन्मानयासोबतच इतरही महिलांचा झाला गौरव

कजगाव, ता.भडगाव, जि.जळगाव : येथे सरपंच वैशाली पाटील यांच्यातर्फे येथील प्रथम कन्यारत्न प्राप्त अशा ३८ महिलांचा नागरी सत्कार मान्यवर महिलांच्या उपस्थितीत महिला दिनी झाला. वाणी समाज मंगल कार्यालयात हा कार्यक्रम पार पडला.
जागतिक महिला दिनी येथील प्रथम कन्यारत्न प्राप्त अशा ३८ महिलांचा साडी, चोळी, नारळ कन्यास ड्रेस देत मान्यवर महिलांच्या हस्ते सत्कार करीत सन्मानित करण्यात आले, तर विशेष सत्कारात येथील कर्णबधिर व मुक्या असलेल्या उषा सोनवणे या महिलेचा याप्रसंगी सत्कार करण्यात आला.
याबरोबरच याच महिलेचा येथील साधना धाडीवाल, लता ललवाणी, भारती सोनार, नंदा वाणी यांनी भेट वस्तू देत त्यांचा सत्कार केला.
याप्रसंगी पंचायत समितीच्या माजी सभापती गीता पाटील, तालुका वैद्यकीय अधिकारी डॉ.सुचिता आकडे, कजगाव प्राथमिक आरोग्य केंद्राचे वैद्यकीय अधिकारी डॉ.अजय सपकाळ, पं.स.सदस्या डॉ.अर्चना पाटील, बेटी बचाव बेटी पढाओच्या सहयोजिका वसुधा पाटील, सरपंच वैशाली पाटील, उपसरपंच मंगलाबाई भिल्ल, चाळीसगावच्या माजी नगराध्यक्षा वैशाली पाटील, ओमशांती केंद्राच्या चंद्रकला दिदि, आशा गटप्रमुख सुनंदा, अंगणवाडी मुख्य सेविका मंगला पाटील, मुख्याध्यापिका लता, माजी सरपंच रत्ना पाटील, लताबाई निकम, सुकन्या सोनवणे, रंजनाबाई महाजन, आशाबाई पवार, साधना धाडीवाल, लता ललवाणी, वैशाली सुनील पाटील, भारती सोनार, नंदा वाणी, उद्योजक दिनेश पाटील, नितीन सोनार, सुनील पवार, रघुनाथ महाजन, रवी मालचे, संजय जाधव, सुनील पाटील, रघुनाथ पाटील यांच्यासह ग्रामपंचायत कर्मचारी, गावातील महिला उपस्थित होत्या.
येथीलच रहिवासी असलेल्या कर्णबधीर व मुकी असलेल्या उषा दीपक सोनवणे या महिलेने लोकांकडे धुणी भांडी करत आपल्या या दोघा मुलांना इंग्रजी शाळेत शिकवायला सुरुवात केली आहे. तिच्या या कामाचे सर्वच स्थरातून कौतुक होत आहे. अशा या महिलेचा सरपंच वैशाली पाटील यांनी विशेष सत्कार केला. त्याबरोबरच साधना धाडीवाल, लता ललवाणी, भारती सोनार,नंदा वाणी यांनाही गौरविण्यात आले.
‘लोकमत’ने महिला दिनी काढलेल्या विशेष पुरवणीत ग्रामीण भागातील महिलांच्या उत्कृष्ट कार्याची दखल घेत लेखाजोखा मांडला होता. या पुरवणीचे प्रकाशन मान्यवरांच्या हस्ते करण्यात आले