पोलीस स्टेशन परिसरात खडसे समर्थक आक्रमक; रोहिणी खडसेंनी केले शांततेचे आवाहन
By लोकमत न्यूज नेटवर्क | Published: July 22, 2022 10:27 PM2022-07-22T22:27:57+5:302022-07-22T22:30:02+5:30
आज दुपारी मुक्ताईनगरच्या परिवर्तन चौकामध्ये एकनाथ खडसे समर्थकाला महिलांनी व शिवसेनेच्या काही पदाधिकाऱ्यांनी मारहाण केली.
पोलीस स्टेशन परिसरात खडसे समर्थक आक्रमक; रोहिणी खडसेंनी केले शांततेचे आवाहन
Next जळगाव- आज दुपारी एका महिलेचा फोटो व्हायरल झाल्यामुळे महिलेने व शिवसेनेच्या काही पदाधिकाऱ्यांनी खडसे समर्थकाला मारहाण केली, त्यामुळे खडसे समर्थक हे दुपारपासून मुक्ताईनगर पोलीस स्टेशन आवारामध्ये ठिया आंदोलन करत आहेत. कार्यकर्ते आक्रमक होताच राष्ट्रवादी काँग्रेसचे नेते एकनाथ खडसे यांच्या कन्या रोहिणी खडसे आणि शांततेचे आवाहन करत कार्यकर्त्यांना घरी जाण्याचे आवाहन केले आहे.
आज दुपारी मुक्ताईनगरच्या परिवर्तन चौकामध्ये एकनाथ खडसे समर्थकाला महिलांनी व शिवसेनेच्या काही पदाधिकाऱ्यांनी मारहाण केली. त्याचे पडसाद आज मुक्ताईनगर शहरांमध्ये दिवसभर उठत आहेत. खडसे समर्थक आक्रमक होऊन मुक्ताईनगरच्या पोलीस स्टेशन आवारामध्ये ठिय्या मांडून आहेत. अजूनही गुन्हा दाखल नाही झाल्यामुळे खडसे समर्थक आक्रमक होऊन, तीव्र घोषणाबाजी करत आहेत. त्यामुळे रोहिणी खडसे यांनी या समर्थकांना शांततेचे आव्हान केले व घरी जाण्याच्या सूचनाही दिल्या आहेत.