खुन्याला दोन दिवस तर बलात्काऱ्याला तीन दिवसांची पोलीस कोठडी

अमळनेर : मित्राचा गळा कापून खून करणाऱ्या आरोपीस पुन्हा दोन दिवसांची तर अल्पवयीन मुलीला पळवून नेणाऱ्या बलात्काऱ्यास तीन दिवसांची पोलीस कोठडी सुनावण्यात आली.

खून करणाऱ्या कैलास शिंगाणे याची दोन दिवसांची पोलीस कोठडी संपल्यानंतर पोलिसांनी त्याला अमळनेर येथील न्या. अग्रवाल यांच्या कोर्टात हजर केले असता त्याला १ सप्टेंबरपर्यंत दोन दिवसांची पोलीस कोठडी सुनावण्यात आली आहे. दरम्यान, पोलिसांनी आरोपीकडून त्याचा व मयताचा मोबाईल, चाकू व मोटरसायकल जप्त केले आहे.

तसेच बसस्थानकावरून अल्पवयीन मुलीला पळवून नेणाऱ्या शिंदखेडा तालुक्यातील गोपीचंद पवार याच्याविरुद्ध मुलीच्या जबाबावरून बालकांचा लैंगिक अत्याचार विरोधी कायदा २०१२च्या कलम ४, ८, १२ प्रमाणे पोक्सोचा गुन्हा नोंदविण्यात आला होता. त्याला पोलीस उपनिरीक्षक गंभीर शिंदे यांनी जिल्हा सत्र न्यायालयात हजर केले असता न्या. व्ही. आर. जोशी यांनी आरोपीला २ सप्टेंबरपर्यंत तीन दिवसांची पोलीस कोठडी सुनावली आहे.

खुनातील आरोपी कैलास शिंगाणे याच्याकडून मोटरसायकल, चाकू, मोबाईल जप्त करण्यात आले. याप्रसंगी पोलीस निरीक्षक जयपाल हिरे, एपीआय राकेशसिंग परदेशी, सुनील हटकर, राहुल पाटील, किशोर पाटील उपस्थित होते.