काकासोबतच्या प्रेमापोटी विवाहित पुतणी रफूचक्कर

जामनेर : आईवडिलांनी इच्छेविरुद्ध लग्न लावल्याने एरंडोल येथील तरुणीने लग्नानंतर अवघ्या सहाच दिवसात सासरवाडीतून पळ काढला व नात्याने काका असलेल्या समवयीन प्रियकरासोबत संसार थाटण्याचा निर्णय घेतला.

तालुक्याल तरुणाशी या तरुणीचा २५ मे रोजी विवाह झाला. लग्नानंतर काही दिवस ती सासरवाडीत राहिली. १ जूनला घरी कुणाला काहीही न सांगता ती निघून गेली. नातेवाइकांनी शोध घेऊनही मिळून न आल्याने अखेर २ जूनला जामनेर पोलिसात हरविल्याची तक्रार देण्यात आली. जातांना तिच्याजवळ असलेल्या मोबाइलच्या लोकेशनवरून व तिच्या मामाशी झालेल्या संपर्कवरून ती व तिचा काका उल्हासनगर येथे असल्याचे पोलिसांना समजले. त्यांच्याशी संपर्क केल्यानंतर आज दोघे पोलिसांसमोर हजर झाले.

पोलीस ठाण्यात तिच्या माहेरचे व सासरचे देखील पोहचले. समजविण्याचा प्रयत्न अपयशी ठरला. ती सज्ञान असल्याने पोलिसांनी जबाब नोंदवून घेतला. तिच्या पतीने तिला घटस्फोट देण्याचा निर्णय जाहीर केला व ती काकासोबत निघून गेली. काकांशी आपले गेल्या चार ते पाच वर्षांपासून प्रेम असल्याचे तिने पोलिसांसमोर सांगितले. पोलीस निरीक्षक प्रताप इंगळे, हवालदार रामदास कुंभार व किशोर परदेशी यांनी तपास केला.