मसाप जळगाव शाखेची कार्यकारिणी जाहीर

लोकमत न्यूज नेटवर्क

जळगाव : महाराष्ट्र साहित्य परिषद, जळगाव शाखेची कार्यकारिणी जाहीर करण्यात आली असून, यामध्ये अध्यक्षपदी प्राचार्य डॉ. शिरीष पाटील, तर उपाध्यक्षपदी प्रभात चौधरी, डॉ. अशोक कौतिक कोळी यांची निवड करण्यात आली.

महाराष्ट्र साहित्य परिषद, जळगाव शाखेची सर्वसाधारण ऑनलाइन सभा मंगळवार, दि.२७ एप्रिल रोजी डॉ. ए.पी. चौधरी यांच्या अध्यक्षतेखाली झाली. प्राचार्य डॉ. किसन पाटील व प्रा. भास्कर पाटील यांचे निधन झाल्यामुळे रिक्त झालेल्या जागा आणि नवीन कार्यकारिणी निवडण्याचा निर्णय या सभेत घेण्यात आला. महाराष्ट्र साहित्य परिषदेच्या पुणे शाखेचे कार्याध्यक्ष मिलिंद जोशी यांनी डॉ. किसन पाटील आणि प्रा. भास्कर पाटील यांना श्रद्धांजली वाहिली, तसेच नवीन कार्यकारिणी जाहीर करण्याविषयी मार्गदर्शन केले. उपस्थितांनी मार्गदर्शन केले, तर डॉ. ए.पी. चौधरी यांनी कार्यकारिणी जाहीर केली.

नूतन कार्यकारिणी

अध्यक्ष- प्राचार्य डॉ. शिरीष पाटील, उपाध्यक्ष- प्रभात चौधरी, डॉ. अशोक कौतिक कोळी, कार्याध्यक्ष- प्रा. डॉ. सत्यजित साळवे, सहकार्याध्यक्ष- नामदेव कोळी, कोषाध्यक्ष- युवराज माळी, कार्यवाह (स्थानिक)- डॉ. योगेश महाले, सहकार्यवाह (बहिस्थ)- प्रा. गोपीचंद धनगर, सदस्य- माया धुप्पड, शशिकांत हिंगोणेकर, संजीवकुमार सोनवणे, विजय सुपडू लुल्हे, मोरेश्वर सोनार.

सभेला प्राचार्य डॉ. पी.आर. चौधरी, प्राचार्य डॉ. वासुदेव वले, डॉ. सुनील मायी, डॉ. रवींद्र बावणे, डॉ. चंद्रमणी लभाणे आदींची उपस्थिती होती.