जिल्ह्यात सव्वा लाखापेक्षा अधिक रुग्णांची कोरोनावर मात

लोकमत न्यूज नेटवर्क

जळगाव : जिल्ह्यात गेल्या काही दिवसांपासून बाधित रुग्णांपेक्षा बरे होणाऱ्या रुग्णांचे प्रमाण सतत वाढत आहे. आतापर्यंत कोरोनामुळे बाधित झालेल्या १ लाख ३७ हजार १३६ रुग्णांपैकी १ लाख २५ हजार ५३३ रुग्णांनी कोरोनावर मात केली आहे. सद्य:स्थितीत जिल्ह्यात ९ हजार १४३ ॲक्टीव्ह रुग्ण उपचार घेत असून आतापर्यंत २ हजार ४६० रुग्णांचा उपचारादरम्यान मृत्यू झाला आहे. जिल्ह्यात बाधित रुग्ण बरे होण्याचे प्रमाण ९१.५४ टक्क्यांवर पोहोचले असून जिल्ह्याचा मृत्यूदर १.७९ टक्क्यांपर्यत खाली आणण्यात आरोग्य यंत्रणेला यश मिळाले आहे, अशी माहिती जिल्हाधिकारी अभिजित राऊत यांनी दिली.

जिल्ह्यात आजपर्यंत १० लाख ६५ हजार ८३८ संशयितांचे स्वॅब तपासणीसाठी कोरोना विषाणू प्रयोगशाळेत पाठविण्यात आले आहे. त्यापैकी १ लाख ३७ हजार १३६ अहवाल पॉझिटिव्ह आले आहेत तर ९ लाख २५ हजार २७० अहवाल निगेटिव्ह आले आहेत. सध्या १ हजार ६३५ अहवाल प्रलंबित आहेत. जिल्ह्यात सध्या ६ हजार ८७१ रुग्ण होम क्वारंटाईन असून २८१ रुग्ण विलगीकरण कक्षात आहेत. सद्यस्थितीत जिल्ह्यात उपचार घेत असलेल्या ९ हजार १४३ रुग्णांपैकी ७ हजार ४२१ रुग्ण लक्षणे नसलेले तर १ हजार ७२२ रुग्ण हे लक्षणे असलेले आहेत, अशी माहिती नोडल अधिकारी तथा जिल्हा शल्य चिकित्सक डॉ. एन. एस. चव्हाण यांनी दिली.

४ लाख ५२ हजार लाभार्थ्यांचे लसीकरण

जिल्ह्यात आतापर्यंत ३ लाख ३८ हजार ८४१ नागरिकांना कोरोनाचा पहिला डोस तर १ लाख १३ हजार २४७ नागरिकांना दुसरा डोस देण्यात आला आहे. लसीच्या उपलब्धतेनुसार नागरिकांचे लसीकरण सुरु आहे. सध्या ४५ वर्षावरील नागरिकांचे लसीकरण करण्यात येत असल्याचे जिल्हा आरोग्य अधिकारी डॉ. भीमाशंकर जमादार यांनी कळविले आहे.

दृष्टिक्षेपात तालुकानिहाय कोरोना स्थिती

तालुका - बाधित रुग्ण- बरे झालेले - उपचार घेत असलेले - मृत्यू

जळगाव शहर- ३२३७४- ३१०१४-८०४-५५६

जळगाव ग्रामीण- ५३७७- ४९२३-३१६-१३८

भुसावळ- १२६८२-११३२७ -१०३२-३२३

अमळनेर- ९०२२-८४९५ -३८६-१४१

चोपडा- १४३६७-१३३७७ -८३०-१६०

पाचोरा- ४८४६- ४२६७ -४५०-१२९

भडगाव- ३५१७-३३५९ -८४-७४

धरणगाव- ५३९९- ४९८० -३१५-१०४

यावल- -४६१०- ४१०३ -३७७-१३०

एरंडोल- ६५९५-६१०० -३८९-१०६

जामनेर-९०६९ -८१३२ -७९२-१४५

रावेर- ६१०६- ५३२८ -६०९-१६९

पारोळा- ४७४१-४४५४ -२४३-४४

चाळीसगाव-८७६३- ७६५४ -९९९-११५

मुक्ताईनगर- ५३३९-४३६९ -८९०-८०

बोदवड-३१३५-२५९९ -४९०-४६

इतर जिल्ह्यातील- ११८९-१०५२-१३७- --