नवीन बी.जे. मार्केट परिसरातील जुगार अड्ड्यावर धाड

जळगाव - शहरातील नवीन बी.जे. मार्केटजवळ सुरू असलेल्या जुगार अड्ड्यावर सहायक पोलीस अधीक्षक कुमार चिंथा यांच्या पथकाने छापा टाकून २६ जुगारींवर कारवाई केली आहे. त्यांच्याविरुध्द जिल्हापेठ पोलीस ठाण्यात गुन्हा दाखल करण्यात आला आहे.

शहरातील नवीन बी.जे. मार्केटजवळ नागोरी चहा दुकानाच्यावरील बाजूला सोशल क्लबच्या नावाखाली जुगार अड्डा सुरू असल्याची गुप्त माहिती सहायक पोलीस अधीक्षक कुमार चिंथा यांना गुरुवारी दुपारी मिळाली होती. त्यानुसार त्यांच्या पथकासह जिल्हापेठ पोलिसांना कारवाई सूचना केल्या. पथकाने गुरुवारी सायंकाळी ५ वाजता छापा मारला. यावेळी पोलिसांना २६ जण जुगार खेळताना आढळून आले. त्यांच्याजवळून ५२ हजार रुपयांची रोकड, जुगाराचे साहित्य आणि एक दुचाकी असा एकूण १ लाख ५४ हजार ३४० रुपयांचे ऐवज जप्त करण्यात आला आहे.

यांच्यावर झाली कारवाई

अब्दुल अजीज अब्दुल रज्जाक, दत्तू भिका सोनवणे, नबील अहमद अब्दुल रशीद, शेख नबी शेख गनी, शेख आसीफ शेख कदीर, दिलीप बुधा महाजन, खेमचंद मल्हार इंगळे, मोहम्मद सलीम मोहम्मद ईस्माईल, दिलीप माणिकचंद शर्मा, रियाज रज्जाक पटेल, सूरज विजय ओतारी, देवानंद नारायणदास पंजवाणी, हिरानंद लालवाणी, शब्बीर हुसेन शेख, ब्रिजलाल आनंदलाल वालेचा, नितीन परशुराम सूर्यवंशी, दिलीप बंडू कस्तुरे, राहुल गजानन आष्टेकर, मधुकर रामचंद्र भंगाळे, रतन धोंडू सावळे, यशवंत देवचंद कोळी, अशोक ओंकार चव्हाण, प्रेमनाथ भगवंत बोरसे, संजय पुंडलिक कोल्हे अशांवर पोलिसांच्या पथकाने कारवाई केली आहे.

यांच्या पथकाने केली कारवाई

सहाय्यक पोलीस निरीक्षक कुमार चिंथा यांच्या मार्गदर्शनाखाली नितीन गणापुरे, विजय काळे, रवींद्र मोतिराया, अनिल करडईकर, महेश महाले तसेच जिल्हा पेठ पोलीस ठाण्याचे सहाय्यक पोलीस निरीक्षक किशोर पवार, अशोक सनकत, महेंद्र बागुल, अकबर तडवी, योगेश साबळे, अमितकुमार मराठे, छगन तायडे यांच्या पथकाने ही कारवाई केली आहे.