महिलेला मोबाइलवरून अश्लील शिवीगाळ

जळगाव : मोबाइलवर कॉल करून ५२ वर्षीय महिलेला अश्लील शिवीगाळ केल्याप्रकरणी संदीप सुधाकर भवर (रा.जाफराबाद, जि.जालना) याच्याविरुध्द शनिवारी जिल्हा पेठ पोलीस ठाण्यात कलम २९४ अन्वये गुन्हा दाखल करण्यात आला आहे. १४ ऑगस्ट २०२० पासून तर शुक्रवारपर्यंत संदीप याने वेळोवेळी या महिलेला तसेच तिच्या मुलीविषयी अश्लिल शब्दप्रयोग केल्याचे फिर्यादीत नमूद आहे.

अपघात प्रकरणी गुन्हा दाखल

जळगाव : इदगाह कॉम्प्लेक्सजवळ मित्रासोबत थांबलेल्या मोहमद खालीद सुरूर अहमद याला नेरी नाक्याकडून आलेल्या भरधाव दुचाकीने जोरदार धडक दिली व त्यानंतर संशयिताने पलायन केल्याची घटना ११ मार्च रोजी दुपारी ३ वाजता घडली होती. याप्रकरणी जखमीचा मित्र सय्यद नाजिश मोहंमद सिद्दीकी (३४, रा. भिकमचंद जैननगर) यांच्या फिर्यादीवरून शुक्रवारी दुचाकीस्वाराविरुध्द (क्र.एम.एच.१९ डी.एम.०४५२) एमआयडीसी पोलीस ठाण्यात गुन्हा दाखल करण्यात आला आहे. तपास हवालदार संजय धनगर करीत आहेत.