ट्रॅक्टरखाली दबल्याने एकाचा मृत्यू

कुरंगीजवळील घटना

पाचोरा/ कुरंगी : पेरणी तोंडावर असल्याने आपल्या शेतातील मशागतीचे कामे आटोपून घरी परतत असतांना मशागतीचेच ट्रॅक्टर पलटी झाल्याने तरुण शेतकऱ्याचा मृत्यू झाल्याची घटना रविवारी रात्री नऊ वाजेच्या सुमारास घडली.
नांद्रा ता. पाचोरा येथील तरूण शेती मशागतीचे कामे आटोपून घराकडे येत असताना हाकेच्या अंतरावर असलेल्या गावाजवळ पाट चारीत ट्रॅक्टर उलटून नांद्रा तालुका पाचोरा येथील अविवाहित तरूण सागर ईश्वर सुर्यवंशी (पाटील) (वय २३) याचा मृत्यू झाला. तो स्वत:च्या नफ्याने केलेल्या खैरे शिवारातील जमिनीवर रोटाव्हिटर करून रात्री ८.४५ च्या दरम्यान येत असताना ट्रॅक्टरील ताबा सुटल्याने बहुळा धरणाच्या मुख्य डाव्या पाटचारीत ट्रॅक्टर उलटले. ही घटना नांद्रा गावाजवळच घडल्याने गावातील नागरिकांनी सागर यास टॅÑक्टर खालून काढून पाचोरा येथे हलवले मात्र तेथे पोहच्यण्याच्या आत मृत्यूने त्यास कवटाळले.
नांद्रा येथील बसस्टॅण्ड जवळ राहणारे ईश्वर सुर्यवंशी यांचा सागर हा लहान मुलगा होता. त्याच्या पश्चात एक मोठा भाऊ, दोन बहिणी, आई व वडील असा परीवार आहे त्याच्या निधनाने परिसरात हळहळ व्यक्त होत आहे