पोलिसात तक्रार दिल्याचा राग आल्याने एकास बेदम मारहाण

जळगाव : पोलिसात तक्रार दिल्याचा राग आल्याने चार जणांनी धीरज दत्ता हिवराळे (२०) या तरुणाला बेदम मारहाण केल्याची घटना नवीन सम्राट कॉलनी येथे गुरुवारी रात्री ८.३० वाजेच्या सुमारास घडली. या प्रकरणी एमआयडीसी पोलिसात चौघांविरुद्ध गुन्हा दाखल करण्यात आला आहे.

नवीन सम्राट कॉलनीतील रहिवासी धीरज हिवराळे या तरुणाने गोलू चौधरी याच्याविरोधात पोलिसात तक्रार दिली होती. त्याचा रा. आल्याने अविनाश राठोड याने धीरजला चापटा-बुक्क्यांनी मारहाण करीत त्याच्या हातातील लोखंडी रॉड डोक्यात मारून गंभीर जखमी केले. तसेच गोलू चौधरी, सचिन चौधरी व आकाश सोनार (सर्व रा. सम्राट कॉलनी) या तिघांनीदेखील धीरजला मारहाण करीत तक्रार मागे घे; नाहीतर तुला जीवे ठार मारेल, अशी धमकी दिली. या प्रकरणी चौघांविरुद्ध एमआयडीसी पोलिसात गुन्हा दाखल करण्यात आला आहे.