मसापतर्फे २७ रोजी ऑनलाइन श्रद्धांजली सभा

जळगाव : महाराष्ट्र साहित्य परिषद शाखा जळगावतर्फे प्राचार्य डॉ. किसन पाटील आणि प्रा. भास्कर पाटील यांच्या स्मरणार्थ ऑनलाइन श्रद्धांजली सभेचे २७ एप्रिल रोजी सकाळी १० वाजता आयोजन करण्यात आले आहे. यावेळी प्राचार्य डॉ. किसन पाटील व प्रा. भास्कर पाटील यांच्या आठवणींना उजाळा देण्यात येणार आहे.

प्राचार्य डॉ. किसन पाटील यांचे २ मार्च रोजी अल्पशा आजाराने निधन झाले. या सभेला मार्गदर्शन करण्यासाठी केंद्रीय कार्यकारिणीचे पुणे येथून मिलिंद जोशी हे देखील उपस्थित राहणार आहेत. मसाप जळगाव शाखेचे कार्य पुढे अविरत सुरू राहण्यासाठी नवीन कार्यकारिणी गठित करण्यासंदर्भात चर्चा होईल. ऑनलाइन सभेला मसापच्या जळगाव शाखेच्या सभासदांनी उपस्थिती द्यावी, असे आवाहन अध्यक्ष प्रा. ए. पी. चौधरी व प्रमुख कार्यवाह डॉ. अशोक कोळी यांनी केले आहे.