चोरट्याने लांबविली पोलिसाचीच दुचाकी

जळगाव : शहरातील दुचाकी चोरीचे सत्र सुरुच असून या दोन-तीन दिवसात वेगवेगळ्या भागातून तीन दुचाकी चोरी गेल्या आहेत. सामान्य नागरिकांच्या दुचाकीची चोरी होत असताना आता चोरट्यांनी पोलिसाचीच दुचाकी लांबविली आहे. त्यामुळे दुचाकी चोरीच्या घटना उघडकीस आणणे हे पोलिसांसमोर आव्हान ठरले आहे.
पोलीस कर्मचारी राजेंद्र दशरथ पाटील (रा.असावा नगर, पिंप्राळा) यांच्या मालकीची ३० हजार रुपये किमतीची दुचाकी (क्र.एम.एच.१९ ए.आर.४६६६) १ मार्च रोजी संध्याकाळी ७ वाजता गोलाणी मार्केटसमोरील किराणा दुकानाजवळून चोरी झाली आहे तर त्याच दिवशी दीक्षितवाडी येथूनही दुपारी १ वाजता २० हजार रुपये किमतीची दुचाकी (क्र.एम.एच.१९ बी.ई.१८८७) चोरी गेली आहे. या घटनेची अनुक्रमे शहर व जिल्हा पेठ पोलीस स्टेशनला नोंद करण्यात आली आहे.हरिविठ्ठल नगरातूनही ४ मार्च रोजी दुर्गादास महाजन यांच्या मालकीची एक महागडी स्पोर्टस् दुचाकीची (क्र.एम.एच.१९ सी.डी.६९१३) चोरी झाली आहे.