देशाच्या विकासासाठी मुस्लीम बांधवांनी केली प्रार्थना

ईद उत्साहात : शहरात अपूर्व उत्साह

ठळक मुद्देनमाज पठण हजारो समाजबांधव उपस्थित शहरात बकरी ईदचा उत्साह

ऑनलाईन लोकमत

जळगाव, दि. 2 - जळगावात शनिवारी बकरी ईद उत्साहात साजरी करण्यात आली. या वेळी नमाज पठण करण्यात येऊन देशाचा विकास, भरभराटीसाठी प्रार्थना करण्यात आली. शहरात बकरी ईदचा उत्साह पाहायला मिळाला.
ईदनिमित्त निमित्त शहरातील सुप्रिम कॉलनीमधील सुन्नी ईदगाह मैदान, मुस्लीम कब्रस्तान ईदगाह या ठिकाणी नमाज अदा करण्यात आली. या वेळी हजारो समाजबांधव उपस्थित होते. नमाज पठणानंतर  एकमेकांना ईदच्या शुभेच्छा दिल्या. मौलाना जाबीर रजा यांनी नमाज दरम्यान देशवासीयांवर कृपा राहून सर्व संकट दूर व्हावे, अशी प्रार्थना केली. तसेच भारताच्या शत्रूंना सद्बुद्धी देऊन विश्वशांतीसाठीही प्रार्थना केली.  प्रास्ताविक सुन्नी ईदगाह ट्रस्टचे अध्यक्ष अय्याज अली यांनी केले.