अंनिसच्या शहर कार्याध्यक्षपदी जितेंद्र धनगर यांची फेरनिवड

लोकमत न्यूज नेटवर्क

जळगाव : महाराष्ट्र अंधश्रद्धा निर्मूलन समितीच्या जळगाव शहराची २०२१ या वर्षासाठी कार्यकारिणी नुकतीच ऑनलाइन बैठकीत जाहीर करण्यात आली. शहर कार्याध्यक्षपदी जितेंद्र धनगर तर कार्यवाहपदी कल्पना चौधरी यांची फेरनिवड झाली आहे.

बैठकीत शाखेची सद्य:स्थितीबाबत शहर कार्याध्यक्ष जितेंद्र धनगर यांनी माहिती दिली. यानंतर शाखेची या वर्षाची कार्यकारिणी निरीक्षक तथा जिल्हा कार्याध्यक्ष प्रा. डी.एस. कट्यारे यांनी एकमताने चर्चा करून घोषित केले. यात जळगाव शहर शाखेचे नवनियुक्त अध्यक्ष म्हणून प्रा.दिलीप भारंबे, उपाध्यक्ष सुरेखा राजेंद्र चौधरी यांच्यासह शहर कार्याध्यक्ष जितेंद्र धनगर, प्रधान सचिव कल्पना शिरीष चौधरी, कायदेशीर सल्लागार ॲड. कुणाल बिऱ्हाडे, विविध उपक्रम कार्यवाह मीनाक्षी विश्वजित चौधरी, वैज्ञानिक जाणिवा प्रकल्प रियाज शाह, बुवाबाजी संघर्ष गुरुप्रसाद पाटील यांची निवड करण्यात आली.