"मुक्त"च्या पुनर्परीक्षेला ३ मेपासून होणार प्रारंभ

जळगाव : यशवंतराव चव्हाण महाराष्ट्र मुक्त विद्यापीठाच्यावतीने ३ मेपासून बी. ए., बी. कॉम.च्या प्रथम, द्वितीय, तृतीय वर्षांतील रिपिटर विद्यार्थ्यांची परीक्षा ऑनलाईन पध्दतीने आयोजित करण्‍यात आली आहे.

या परीक्षांचे वेळापत्रक व संपूर्ण माहिती ही यशवंतराव चव्हाण महाराष्ट्र मुक्त विद्यापीठाच्या पोर्टलवर जाहीर करण्‍यात आली आहे. नव्याने प्रवेशित शैक्षणिक वर्ष २०२० - २१ च्या विद्यार्थ्यांची परीक्षा जुलै - ऑगस्ट मध्ये होणार आहे. तसेच तसेच एम. बी. ए.च्या नियमित व रिपिटर विद्यार्थ्यांच्या सत्र पद्धतीच्या परीक्षेला ५ मेपासून प्रारंभ होत आहे. याबाबतची संपूर्ण माहिती संकेतस्थळावर उपलब्ध करून देण्यात आली आहे. परीक्षेबाबत तसेच परीक्षा देताना काही तांत्रिक अडचणी निर्माण झाल्यास तांत्रिक सहाय्यक संदीप देशमुख व अभिजित चांदवडे यांच्याशी संपर्क साधण्याचे आवाहन मु. जे. महाविद्यालयाचे प्राचार्य स. ना. भारंबे यांनी केले आहे.