जळगावात महिलेस मारहाण

शनिपेठ पोलीस स्टेशनला गुन्हा दाखल

ऑनलाईन लोकमत

जळगाव,दि.2 - जुन्या भांडणाच्या कारणावरून महिलेस व तिच्या मुलीस सहा जणांनी शिवीगाळ करून चापटा-बुक्क्यांनी मारहाण केल्याची घटना 1 जून रोजी दुपारी 2 वाजेच्या सुमारास घडली होती़ याप्रकरणी शुक्रवारी शनिपेठ पोलीस ठाण्यात गुन्हा दाखल करण्यात आला आहे.  

गुरुनानक नगरातील रहिवासी कमला संजय गुजर (वय-42) यांना व त्यांच्या मुलीस गुरुवारी दुपारी 2 वाजेच्या सुमारास जुन्या भांडणाच्या कारणावरून नितीन मधुकर गोयर, काजल नितीन गोयर, पूजा हेमंत गोयर, राकेश मधू गोयर, नीलेश भाऊलाल गोयर व काजलची आजी (नाव माहित नाही) या सहा जणांनी शिवीगाळ केली. शुक्रवारी कमला गुजर यांनी शनिपेठ पोलीस स्टेशन गाठत तक्रार दिली.