सावित्रीबाई फुले बातमी जोड

नूतन मराठा विद्यालयात सावित्रीबाई फुले यांच्या जयंतीनिमित्त ज्येष्ठ शिक्षिका ए. बी. चौधरी यांच्या हस्ते त्यांच्या प्रतिमेस पुष्पहार अर्पण करून अभिवादन करण्यात आले. यावेळी विद्यालयाचे मुख्याध्यापक पी. एम. खैरनार यांच्यासह इतर शिक्षक वर्ग उपस्थित होते. कार्यक्रम यशस्वीतेसाठी सर्व शिक्षक-शिक्षकेत्तर कर्मचाऱ्यांनी परिश्रम घेतले.

मातोश्री विद्यालय

प्रबोधन संस्था संचलित मातोश्री प्राथमिक विद्यालयात क्रांतिज्योती सावित्रीबाई फुले यांच्या जयंतीनिमित्त त्यांच्या प्रतिमेला संस्थाध्यक्षा आरती बाविस्कर यांच्या हस्ते पुष्पहार अर्पण करून अभिवादन करण्यात आले. यानंतर मुख्याध्यापक समाधान इंगळे यांनी ऑनलाइनद्वारे विद्यार्थ्यांना सावित्रीबाईंच्या जीवन कार्याची माहिती दिली. यावेळी मिलिंद नाईक, शारदा मोहिते, समाधान ठाकरे, कविता गावित, प्रकाश नाईक आदी शिक्षक उपस्थित होते.