मक्तेदाराला शिवीगाळ करणा:या लिपिकाला धक्काबुक्की

जळगाव महापालिकेच्या भांडार विभागातील प्रकार

 ऑनलाईन लोकमत

जळगाव,दि.24- मनपा भांडार विभागातून बदली होऊनही त्याच विभागात थांबणा:या लिपिकाने रजिस्टर सापडत नसल्याने छपाई मक्तेदाराला फोन करून शिविगाळ केली. त्यामुळे चिडलेल्या मक्तेदाराने मनपात येऊन संबंधीत लिपिकाला धक्काबुक्की करीत शिवीगाळ केल्याची घटना 23 रोजी दुपारी 3 वाजेच्या सुमारास घडली. यावेळी उपस्थित कर्मचा:यांनी मध्यस्थी केल्याने वाद मिटला. 

मनपा भांडार विभागात गेल्या अनेक वर्षापासून कार्यरत असलेले लिपिक आदिनाथ (बाळू) भामरे यांची प्रभाग समिती क्र.1 मध्ये वसुली विभागात बदली झाली आहे. मात्र तरीही ते नेहमीच भांडार विभागातच आलेले असतात. सध्या ते सुटीवर असतानाही मंगळवारी दुपारी ते महापालिकेत भांडार विभागात आले. सध्या मनपात स्थानिक निधी लेखा विभाग, औरंगाबाद यांच्या पथकाकडून 2012-13 या वर्षाचे लेखापरिक्षण सुरू आहे. त्यासाठी भांडार विभागातील या वर्षाचे रजिस्टर लेखापरिक्षणासाठी देण्यात आले आहे. 

मात्र भामरे यांनी काही कामासाठी ते रजिस्टर शोधले. ते न सापडल्याने त्यांनी तेथील कर्मचा:यांना विचारणा करण्याऐवजी थेट छपाई मक्तेदार भरत चौधरी यांना फोन  करून शिविगाळ करीत मनपात बोलविले. 

त्यामुळे चिडलेल्या चौधरी यांनीही मनपात भांडार विभागात येऊन भामरे यांना शिविगाळ करीत धक्काबुक्की केली. यावेळी उपस्थित कर्मचा:यांनी मध्यस्थी केल्याने वाद मिटला. मात्र याप्रकाराची मनपा वतरुळात जोरदार चर्चा सुरू होती.