ग्रामपंचायतींच्या निवडणुकांचा दुसरा टप्पा उद्या

शिरसोली प्र.न. मध्ये ग्रामपंचायत निवडणुकीत अनुसूचित जमाती महिलाचे आरक्षण काढण्यात आले होते. मात्र या प्रवर्गातील एकही उमेदवार नसल्याने तेथे अनुसूचित जमातीसाठी आरक्षण लागू करण्यात आले आहे. त्यानुसार एकमेव उमेदवार हिलाल मल्हारी भिल होणार हे सरपंच होणार आहे. असे असले तरी निवडून आलेल्या पॅनेलमध्येच उपसरपंचपदावरून कुरबुरी सुरू झाल्या आहेत. त्यामुळे तेथे आता उपसरपंच होणार कोण, हा प्रश्न उभा राहिला आहे. आधीच या गावात सरपंच पदाच्या आरक्षणावरून गदारोळ माजला होता. नंतर हा प्रश्न सुटला आता पुन्हा एकदा उपसरपंच पदावरून रस्सीखेच बघायला मिळणार आहे.

त्यासोबतच मुमुराबाद, तुरखेडा, वडनगरी, उमाळे - देव्हारी, कंडारी, लमांजन, वाकडी, कुऱ्हाडदे, पिलखेडा, दापोरा,धानोरा बु. नागझिरी, चिंचोली, जवखेडे, रामदेववाडी, कडगाव, तरसोद, रिधुर, डिकसाई या ग्रामपंचायतींच्या सरपंचपदाच्या निवडणुका उद्या होणार आहे.