चारचाकीचे टायर फुटून झालेल्या अपघातात शिवसेना पदाधिकारी ठार

5 जखमींवर जळगावातील खाजगी रुग्णालयात उपचार

 ऑनलाईन लोकमत

जामनेर, दि.20- जामनेरकडे येत असलेल्या एमएच 19 बीजे 4271 या कारचे टायर मंगळवारी सकाळी 8 वाजता अचानक फुटल्याने शिवसेनेचे पदाधिकारी दिनेश लखोटे हे जागीच ठार झाले. अपघातातील जखमी सदस्यांवर जळगाव येथील खाजगी रुग्णालयात उपचार सुरु आहेत.

मंगळवारी सकाळी दिनेश लखोटे हे आपल्या कुटुंबातील 5 सदस्यांसह एमएच 19 बी.जे.4271 जामनेरकडे येत होते. या दरम्यान चारचाकी वाहनाचे टायर फुटल्याने त्यात दिनेश लखोटे यांचा जागीच मृत्यू झाला. वाहनातील जखमींना नागरिकांनी बाहेर काढून तत्काळ उपचारासाठी जळगाव येथील खाजगी दवाखान्यात दाखल केले. या प्रकरणी पुढील कार्यवाही सुरु आहे.