मुंबईच्या मित्राच्या मदतीने सोनसाखळी लांबविणारा चोरटा अटकेत

जळगावातील वर्षा कॉलनी व विसनजी नगरात केला होता गुन्हा

 जळगाव,दि.22- शहरातील वर्षा कॉलनी व विसनजीनगरातील महिलांची सोनसाखळी लांबविणा:या श्रीरामपूर येथील चोरटा कासीम शहा गरीब शहा (वय 28)  यास  गुन्हे शोध पथकातील कर्मचा:यांनी रविवारी ताब्यात घेतल़े मुंबई येथील मित्राच्या मदतीने दुचाकीने जळगावात येवून चोरी केल्याचे प्राथमिक तपासात समोर आले आह़े

9 एप्रिल रोजी वर्षा कॉलनीतील नलिनी भोळे या वृध्देच्या गळ्यातील 85 हजार रुपये किमतीची सोनसाखळी लांबविल्यानंतर अध्र्या तासाने विसनजी नगरातील रेखा कोठारी (वय 74) यांची 2 लाख 80 हजार रुपये किमतीची सोनसाखळी लांबविण्यात घटना घडली होती. 

डीवाय़एस़पी.सचिन सांगळे यांनी शहर पोलीस ठाण्याचे विजयसिंग पाटील व जिल्हापेठचे भास्कर पाटील यांना सूचना केल्या होत्या़ गोपनीय माहितीवरून दोघांनी 20 रोजी मध्यरात्री श्रीरामपूर येथील पोलीस कर्मचारी राहूल नेरोळे, दिलीप गोलगे यांची मदत घेत कासिमचे घर गाठल़े पोलीस आल्याचे कळाल्याने निसटण्याच्या प्रयत्नात होता़ मात्र सिनेस्टाईल पाठलाग करून त्याला ताब्यात घेण्यात आले.

कासिमने त्याच्या आंदिवली, मुंबई येथील मित्र सरफराज खान यांच्या सोबत दुचाकीने नाशिक, येवला, चाळीसगाव, पाचोरामार्गे जळगावात आला़ व यानंतर दोघांनी सोनसाखळ्या लांबविल्या़ यानंतर दोघे याच मार्गाने गावाकडे रवाना झाल़े