कानशिलात लगावून लांबविली वृध्देची सोनसाखळी

कानशिलात लगावून नलिनी प्रल्हाद भोळे (वय 72) या वृध्देच्या गळ्यातील 85 हजार रुपये किमतीची 3 तोळ्याची सोनसाखळी लांबविल्याची घटना रविवारी सकाळी सव्वा सात वाजता वर्षा कॉलनीत घडली.

विसनजी नगर व वर्षा कॉलनीत अध्र्या तासात दोन घटना : पत्ता विचारण्याचा बहाणा करुन केला हात साफ

जळगाव,दि.9- एकाने व्हिजीटिंग कार्डवरील पत्ता विचारण्याच्या बहाण्याने तर दुस:याने कानशिलात लगावून नलिनी प्रल्हाद भोळे (वय 72) या वृध्देच्या गळ्यातील 85 हजार रुपये किमतीची 3 तोळ्याची सोनसाखळी लांबविल्याची घटना रविवारी सकाळी सव्वा सात वाजता वर्षा कॉलनीत घडली. त्यानंतर लागलीच अध्र्या तासाने पावणे आठ वाजता विसनजी नगरातील रेखा चंद्रकांत कोठारी (वय 74) या वृध्देच्या गळ्यातील दोन लाख 80 हजार रुपये किमतीची दहा तोळ्याची सोनसाखळी लांबविण्यात आली. दोन्ही घटनांमध्ये चोरटे दुचाकीवरुन आले होते व पत्ता विचारण्याचा बहाणा करुन त्यांनी सोनसाखळी लांबविली. एकापाठोपाठ एक अशा दोन घटना घडल्याने शहरात सोनसाखळी चोरटय़ांची टोळी सक्रीय झाल्याचे सिध्द झाले आहे.