"२६ सप्टेंबर"ला राज्यस्तरीय पात्रता परीक्षा

जळगाव : सावित्रीबाई फुले पुणे विद्यापीठामार्फत सहायक प्राध्यापक पदासाठी अनिवार्य असलेली राज्यस्तरीय पात्रता परीक्षा (सेट) रविवार, २६ सप्टेंबर रोजी घेण्यात येणार आहे.

सावित्रीबाई फुले पुणे विद्यापीठामार्फत महाराष्ट्र व गोवा राज्यात सेट परीक्षा घेतली जाते. ही परीक्षा २६ सप्टेंबर रोजी आयोजित करण्‍यात आली आहे. नुकतेच परीक्षेबाबत कुलसचिव तथा सदस्य सचिव (सेट) डॉ. प्रफुल्ल पवार यांनी जाहीर केले आहे. दरम्यान, या परीक्षेसाठी १७ मेपासून विद्यार्थ्यांना ऑनलाईन अर्ज करता येणार आहे. १० जून ही अर्ज करण्याची अंतिम तारीख असणार आहे. सेट परीक्षेचा अर्ज ऑनलाईन पध्दतीने भरण्यासाठी संकेतस्थळावर १७ मेपासून उपलब्ध करून देण्‍यात येणार आहे. सेट परीक्षेसाठी दरवर्षी महाराष्ट्र व गोवा राज्यातून लाखो विद्‌यार्थी ऑनलाईन अर्ज करतात.