काँग्रेस पक्षाला मजबूत करा : जिल्हाध्यक्ष संदीप पाटील

चोपडा येथे तालुका काँग्रेसची सभा, ध्वजारोहण

चोपडा, जि.जळगाव : सध्याच्या सरकारने जनतेला सुरुवातीला मंत्राने नंतर तंत्राने आणि आता षङ्यंत्राने खोटी आश्वासने दिली आहेत. सध्याच्या काळात बेरोजगारी वाढली आहे. शेतकऱ्याांची पिळवणूक सुरू आहे, विकास ठप्प झाला आहे म्हणून केवळ काँग्रेसच सर्वसामान्य विकास करू शकते आणि देशाला प्रगती पथावर नेऊ शकते. त्यासाठी काँग्रेसला मजबूत करा, असा संदेश काँग्रेसचे जिल्हाध्यक्ष अ‍ॅड.संदीप पाटील यांनी काँग्रेसच्या पदाधिकाºयांना दिला.
ते कस्तुरबा विद्यालयात काँग्रेसच्या मासिक सभेत अध्यक्षस्थानावरून बोलत होते. यावेळी तालुका व शहर काँग्रेसच्या नूतन पदाधिकारीकडे पदभार सुपूर्द करण्यात आला. तालुकाध्यक्ष राजाराम पाटील यांच्या हस्ते ध्वजारोहण करण्यात आले.
व्यासपीठावर जिल्हा सरचिटणीस अजबराव पाटील, तालुका अध्यक्ष राजाराम पाटील, शहर अध्यक्ष के.डी.चौधरी, शहर महिलाध्यक्षा सुप्रिया सनेर, माजी तालुकाध्यक्ष सुरेश पाटील, तालुका महिलाध्यक्षा वंदना पाटील, तालुका युवक अध्यक्ष किरण सोनवणे, नगरसेविका सुरेखा माळी, सेवा दलाचे तालुका अध्यक्ष बी.एम.पाटील, वजाहत अली व पक्षाचे पदाधिकारी उपस्थित होते. दोंदवाडे येथील जगदीश ढिवर यांनी यावेळी काँग्रेसमध्ये प्रवेश केल्याने त्यांचा सत्कार करण्यात आला. सईद खान, रमेश एकनाथ शिंदे, नूतन शहर अध्यक्ष के.डी.चौधरी, तालुकाध्यक्ष राजाराम पाटील, माजी तालुकाध्यक्ष सुरेश पाटील, उपनगराध्यक्षा तथा शहर महिला काँग्रेसचे अध्यक्षा सुप्रिया सनेर यांनी मनोगत व्यक्त केले.
प्रथम पक्षाशी संबंधित सर्व दिवंगत पदाधिकारी, राजकीय नेते याना श्रद्धांजली अर्पण करण्यात आली. सूत्रसंचालन माजी उपसभापती नंदकिशोर संगोरे यांनी केले. काँग्रेस सेवा दलाचे संस्थापक अध्यक्ष खर्डेकर यांना श्रद्धांजली वाहण्यात आली.