जामनेर तालुक्यातील लोंढ्री खुर्दच्या युवक युवतीची गळफास घेऊन आत्महत्या

अकस्मात मृत्यूची नोंद

आॅनलाइन लोकमत
पहूर, जि. जळगाव, दि. ११ - जामनेर तालुक्यातील लोंढ्री खुर्द येथील मोतीआई धरणाच्या जवळ असलेल्या एका शेतातील लिंबाच्या झाडाला अक्षय गजानन चौधरी (वय १९) व १६ वर्षीय एका युवतीने गळफास घेऊन आत्महत्या केल्याची दुर्दैवी घटना बुधवारी सकाळी आठच्या सुमारास उघडकिस आली आहे. यात युवती अल्पवयीन आहे. ही घटना प्रेमप्रकरणातून झाल्याचे सांगितले जात आहे. याप्रकरणी पहूर पोलिसात अकस्मात मृत्यूची नोंद करण्यात आली आहे. या घटनेने गावासह परीसरात खळबळ उडाली आहे.
प्राप्त माहिती नुसार मयत अक्षय गजानन चौधरी हा वाकोद येथील गौराई कृषी तंत्रज्ञान महाविद्यालयात शिक्षण घेत होता. तर मयत युवती ही पहूर येथे दहावीचे शिक्षण घेत होती. मंगळवारी रात्री एक वाजेपर्यंत अक्षयने गावात गुरांची कुट्टी चारा भरण्याचे काम केल्याचे सांगण्यात आले.
मयत मुलीची आई, मुलाच्या आईने याठिकाणी हंबरडा फोडला घटना पाहून व मुलांचे मृतदेह पाहतांना मन सुन्न झाले होते. व प्रत्येकाच्या डोळ्यात अश्रू येत होते.
यासंदर्भात पोलीसात प्राथमिक माहिती वरून अकस्मात मृत्यूची नोंद केली आहे. तपास साहाय्यक फौजदार अनिल अहिरे व जितेंद्र परदेशी करीत आहेत.