सारवेजवळ टँकर ट्रक अपघात चालक किरकोळ जखमी

राष्ट्रीय महामार्ग क्रमांक ६वरील सर्वे गावाजवळ सायंकाळी ६ वाजेच्या सुमारास केमिकल टँकर व ट्रक यांच्यात अपघात झाला.

ठळक मुद्देरस्त्यावर सांडलेले डिझेल अग्निशमन दलाने केले बाजूला.

लोकमत न्यूज नेटवर्क

पारोळा : तालुक्यातील राष्ट्रीय महामार्ग क्रमांक ६वरील सर्वे गावाजवळ सायंकाळी ६ वाजेच्या सुमारास केमिकल टँकर व ट्रक यांच्यात अपघात झाल्याने चालक किरकोळ जखमी झाल्याची घटना घडली.

राष्ट्रीय महामार्ग क्रमांक ६वर सारवे गावाजवळ सायंकाळी ६ वाजेच्या सुमारास जळगावकडून धुळ्याकडे जाणारी केमिकल टँकर (एमएच४८/बीएम७४८०) व समोरून येणारी (जीजे३२टी ८९५६) हिने केमिकल टॅंकरला जोरदार धडक दिली. त्यात टँकरचालक किरकोळ स्वरूपाच्या जखमी झाला व जोरदार धडकेने टँकरचा डिझेल टॅंक फुटले असल्याने रस्त्यावर डिझेल पडले होते.

यावेळी पारोळा पोलीस दल व अग्निशामक विभागाने घटनास्थळी धाव घेतली. परिसरात सर्वत्र डिझेलचा साठा सांडलेला असल्याने रहदारीस अडथळा येत होता. अशावेळी पोलीस कॉन्स्टेबल सुनील वानखेडे, विजय भोई आदींनी व अग्निशामक दलाचे मनोज पाटील यांनी पाण्याच्या सहाय्याने रस्त्यावरील सांडलेले डिझेल बाजूला केले. त्यानंतर रहदारी मोकळी करण्यात आली. याप्रकरणी रात्री उशिरापर्यंत पोलीस स्टेशनला गुन्हा दाखल करण्यात येणार होता.