जळगावात उपमुख्यमंत्र्यांचे राष्ट्रवादीकडून काळे झेंडे दाखवून स्वागत 

कापूस अनुदान व जिल्ह्यातील प्रलंबित प्रश्नांबाबत राष्ट्रवादी काॅंग्रेसने मुख्यमंत्र्यांना काळे झेंडे दाखविण्याचा इशारा दिला होता.

लोकमत न्युज नेटवर्क
जळगाव : कापूस अनुदान आणि अन्य प्रश्नांच्या संदर्भात राज्य सरकारकडून ठोस निर्णय न झाल्याने आज राष्ट्रवादी काँग्रेसच्या कार्यालयाबाहेर पक्षाचे नेते, पदाधिकारी यांनी सरकार विरोधात जोरदार घोषणाबाजी करत उपमुख्यमंत्री देवेंद्र फडणवीस यांच्या ताफ्याला काळे झेंडे दाखवले.यावेळी पोलीस आणि कार्यकर्त्यांमध्ये जोरदार झटापट झाली.

कापूस अनुदान व जिल्ह्यातील प्रलंबित प्रश्नांबाबत राष्ट्रवादी काॅंग्रेसने मुख्यमंत्र्यांना काळे झेंडे दाखविण्याचा इशारा दिला होता. त्यानुसार उपमुख्यमंत्री देवेंद्र फडणवीस यांच्या वाहनांचा ताफा आकाशवाणी चाैकात आमदार एकनाथ खडसे, अनिल पाटील, माजी मंत्री गुलाबराव देवकर, उमेश नेमाडे, प्रमोद पाटील यांनी त्यांना काळे झेंडे दाखविले. यावेळी पोलीस आणि कार्यकर्त्यांमध्ये जोरदार झटापट झाली.

राज्याचे मुख्यमंत्री एकनाथ शिंदे यांचे शासन आपल्या दारी अभियानातंर्गत जळगाव जिल्हास्तरीय कार्यक्रमासाठी आज दुपारी जळगाव विमानतळावर आगमन झाले.पालकमंत्री गुलाबराव पाटील यांनी त्यांचे स्वागत केले.