स्मशानभूमीत लोखंडाची चोरी

खानापूर येथील अटवाडे रस्त्यावरील श्रीराम मंदिर संस्थांनच्या बर्डीलगत असलेल्या स्मशानभूमीतील ओट्यांवरील लोखंडी अँगलची चोरी दोन जण करत होते. १ हजार १४५ रुपये किमतीची ही जाळी लंपास करताना नरेंद्र सुपडू बोदडे व ईश्वर राजाराम बोदडे रा. फकीरवाडा, आठवडे बाजार परिसर, रावेर हे आढळून आले. या दोन्ही आरोपींना ग्रामस्थांनी रंगेहाथ पकडून रावेर पोलिसांच्या स्वाधीन केले. ही घटना ५ जुलै रोजी सकाळी सात वाजेच्या सुमारास घडली. याप्रकरणी ग्रा.पं. सदस्य शेख रशीद शेख रफिक यांनी दिलेल्या फिर्यादीवरून आरोपींविरुद्ध व त्यांच्या अल्पवयीन साथीदाराविरुध्द भादंवि कलम ३७९ अन्वये गुन्हा दाखल करण्यात आला आहे. रावेर पोलीस स्टेशनचे पोलीस निरीक्षक रामदास वाकोडे यांच्या मार्गदर्शनाखाली पोलीस हेडकॉन्स्टेबल जितेंद्र जैन पुढील तपास करीत आहेत.