ट्रकची दुचाकीला धडक, दोघे जखमी

जळगाव : शहरातील तांबापुरा भिलवाडा येथील रहिवासी तरुण त्याच्या सहकाऱ्यासोबत दुचाकीने पांडे डेअरीकडून इच्छादेवी चौकाकडे जात असताना सुसाट ट्रकचालकाने ओव्हरटेक करण्याच्या प्रयत्नात धडक दिल्याने दोघेही दुचाकीस्वार जखमी झाले. जखमीच्या जबाबावरून एमआयडीसी पोलीस ठाण्यात गुन्ह्याची नोंद करण्यात आली आहे.

तांबापुरा भिलवाडा येथील रहिवासी सोनू जगन मालचे (३६) हा त्याच्या दुचाकी (एएच-१९ डब्ल्यू-६०७५)ने मित्र जगन निकुंभ याच्या सोबत शनिवार संध्याकाळी डबलसीट जात असताना कंजरवाड्यासमोरील पायघन हॉस्पिटलसमोर मालट्रक (एमएच-४४ यू-१४२६) वरील चालकाने रस्त्याच्या परिस्थितीकडे दुर्लक्ष करत ओव्हरटेक करताना दुचाकीला धडक दिली. यात दुचाकीवरील सोनू मालचे व जगन निकुंभ, असे दोघेही जखमी झाले. जखमींना उपचारार्थ दवाखान्यात दाखल करण्यात आले. जखमींचा जबाब घेतल्यानंतर एमआयडीसी पोलिसांत ट्रकचालकाविरुद्ध गुन्ह्याची नोंद करण्यात आली आहे. तपास पोलीस नाईक गणेश शिरसाळे करत आहेत.