उपखेडला ३१ कुंडी यज्ञ

जनार्दन स्वामी आश्रम । धार्मिक कार्यक्रमांसह कीर्तन महोत्सव

पिलखोड, ता.चाळीसगाव : संत जनार्दन स्वामी यांच्या १०५ व्या जन्मोत्सवानिमिताने (ललित पंचमी) उपखेड येथील आश्रमात २६ सप्टेंबर ते ३ आॅक्टोबर या दरम्यान ३१ कुंडात्मक शिवशक्ती यज्ञ सोहळा व कीर्तन महोत्सव १००८ महामंडलेश्वर शांतीगीरी महाराज यांच्या उपस्थितीत होत आहे. कीर्तन महोत्सवात ह.भ.प सुनिल जगताप, विश्वनाथ वाडेकर, गोविंद चौधरी, भाऊसाहेब अकोलकर, दिनेश महाराज, तुकाराम महाराज, शिवभाऊ अंगुलगावकर यांचे कीर्तन होईल. ३ आॅक्टोबरला जन्मोत्सव, पालखी सोहळा, यज्ञ पूर्णाहुती, शांतीगिरी महाराजांचे प्रवचन असे विविध कार्यक्रम होणार आहेत.
आकर्षक मंडप
आश्रमात बोरगवतापासून राजस्थानी करागिरांकडून आकर्षक सुमारे २ लाख खर्चाचा मंडप उभारला आहे. यात ३१ होम हवन कुंडे तयार केली आहेत.