हरी रावजी पाटील यांच्या पुतळ्याचे आमडदे येथे पूजन

आमडदे : कर्मवीर हरी रावजी पाटील किसान शिक्षण संस्था संचलित साधनाताई प्रतापराव पाटील प्राथमिक, माध्यमिक विद्यामंदिर व कनिष्ठ महाविद्यालयात हरी रावजी पाटील यांच्या विसाव्या पुण्यस्मरण सप्ताहास सुरुवात झाली.

अध्यक्षस्थानी संस्थेचे चेअरमन प्रतापराव हरी पाटील होते. प्रमुख पाहुणे म्हणून स्थानिक स्कूल कमिटीचे चेअरमन राजेंद्र पाटील, धर्मराज भोसले, युवराज भोसले, संजय भोसले, किशोर पाटील, अमोल पाटील, डॉ. रावसाहेब पाटील व साधनाई फाऊंडेशनचे संचालक हरीश भोसले आदी मान्यवर उपस्थित होते.

प्रारंभी प्रतिमांचे पूजन मान्यवरांनी केले. यानंतर कर्मवीर हरी रावजी पाटील यांच्या भव्य पुतळ्याचे पूजन व पुष्पार्पण प्रतापराव पाटील यांच्या हस्ते करण्यात आले. प्रास्ताविक प्राचार्य आर. आर. वळखंडे यांनी केले.

स्वच्छता पंधरवड्यामित्त स्वच्छतेची शपथ सामूहिकरीत्या घेण्यात आली. स्वच्छता अभियान व रांगोळी स्पर्धा घेण्यात आली.

यावेळी पर्यावरण संवर्धन कोरोना महामारीवर उपाय बेटी बचाव बेटी पढाव अशा विषयांवरही रांगोळी स्पर्धा घेण्यात आली. परीक्षण रंजना पाटील, अर्चना पाटील, सुषमा पाटील, प्रिया पाटील व भाग्यश्री भोसले यांनी केले. ही स्पर्धा तीन गटात घेण्यात आली. त्यातून विजेते काढण्यात आले. सूत्रसंचालन एस. पी. पाटील यांनी केले. कार्यक्रम यशस्वीतेसाठी प्राथमिकचे मुख्याध्यापक विलास पाटील, पर्यवेक्षक बी. जे. पाटील यांच्या मार्गदर्शनाखाली सर्व शिक्षक शिक्षकेतरांनी यांनी परिश्रम घेतले.