भोकर येथे तरुणाला मारहाण

उसनवारीच्या पैशांवरून वाद

जळगाव : उसनवारीचे पैसे मागितल्याच्या कारणावरून मुकुंदा यशवंत सपकाळे (४९) यांना नीलेश कोळी लोखंडी रॉडने मारहाण केल्याची घटना म्युनिसिपल कॉलनीत १३ रोजी रात्री साडेआठ वाजता घडली. याप्रकरणी गुरुवारी रामानंद नगर पोलिसात गुन्हा दाखल करण्यात आला आहे. तपास विनोद सोनवणे करीत आहे.

करंज येथील आगप्रकरणी गुन्हा दाखल

जळगाव : तालुक्यातील करंज येथ‌े दीपक सुधाकर पाटील (३०) या तरुण शेतकऱ्याच्या घरात लागलेल्या आगप्रकरणी गुरुवारी तालुका पोलीस ठाण्यात गुन्हा दाखल झालेला आहे. या आगीत ६५ हजार रुपये रोख व इतर साहित्य असे ३ लाखांचे नुकसान झाल्याचे तक्रारीत म्हटले आहे. तपास ईश्वर लोखंडे करीत आहेत.

तब्येतीचे कारण सांगून महिला बेपत्ता

जळगाव : एमआयडीसीतील मानराज मोटर्स येथून तृप्ती हरीश वराडे (२३) ही महिला तब्येत बरी नसल्याचे सांगून बेपत्ता झाली आहे. १६ मार्च रोजी दुपारी १ वाजता ही महिला गेली होती. याप्रकरणी एमआयडीसी पोलीस ठाण्यात हरविल्याची नोंद करण्यात आली आहे. तपास संजय धनगर करीत आहेत.