40 हजार पगार, काम फक्त 35 मिनिटे, तेही बाथरूममधून; वाचून व्हाल अवाक्...
By ऑनलाइन लोकमत | Published: February 8, 2024 11:20 AM2024-02-08T11:20:33+5:302024-02-08T11:20:58+5:30
एका नोकरीबाबत आज आम्ही तुम्हाला सांगणार आहोत. ज्यात रोज केवळ 35 मिनिटेच काम करायचं आहे.
40 हजार पगार, काम फक्त 35 मिनिटे, तेही बाथरूममधून; वाचून व्हाल अवाक्...
जगभरातून नोकरीच्या वेगवेगळ्या अजब ऑफर समोर येत असतात. ज्या वाचून सगळेच अवाक् होतात. लोक वेगवेगळ्या नोकऱ्या करतात पण त्यांना हवे तसे पैसे किंवा समाधान मिळत नाही. पण अशाही काही नोकऱ्या असतात ज्यात काम कमी आणि पैसे जास्त असतात. पण यात काही खास स्किल्सची गरज असते. अशाच एका नोकरीबाबत आज आम्ही तुम्हाला सांगणार आहोत. ज्यात रोज केवळ 35 मिनिटेच काम करायचं आहे.
डेली स्टारच्या रिपोर्टनुसार, एक बाथरूम क्वालिटी इन्शुरन्स टेस्टरची नोकरी समोर आली आहे. यात तुम्हाला फार काही काम करायची गरज नाही. आठवड्यातून केवळ 1 ते 4 तासच काम करायचं आहे. नोकरीची खासियत म्हणजे यात फ्रीलांसिंग सुविधाही आहे. सोबतच चांगले पैसेही दिले जात आहेत.
सामान्य एखादी नोकरी करत असताना तुम्हाला ऑफिसला जावं लागतं किंवा घरूनच अनेक तास काम करावं लागतं. Bathroom Deal नावाच्या कंपनीने ही नोकरीची ऑफर दिली आहे. ज्यात तुम्हाला बाथरूममधून नोकरी करायची आहे. तुम्हाला बाथटबमध्ये कंपनीचे बजेट फ्रेंडली प्रोडक्ट यूज करावे लागतील आणि त्यावर फीडबॅक द्यावा लागेल. कंपनीची बाथरूम एक्सपर्ट वॉरेन किनलोच म्हणाली की, बाथरूम क्वालिटी इन्शुरन्स टेस्टर फीडबॅकच्या माध्यमातून कंपनी आपल्या ग्राहकांना आणखी चांगले प्रोडक्ट डिलिव्हर करेल.
काय असेल काम?
या नोकरीसाठी अप्लाय करणाऱ्या व्यक्तीचं वय 18 पेक्षा जास्त असावं. कंपनीच्या वेबसाइटवर असलेल्या फॉर्ममधील काही प्रश्नांची उत्तरे देऊन तुम्ही अप्लाय करू शकता. नोकरी तुम्हाला घरातूनच करायची आहे. फक्त महिन्यातून एकदा कंपनीच्या ऑफिसमध्ये येऊन आंघोळीच्या वस्तू बदलायच्या आहेत. तुम्हाला या कामासाठी महिन्याला 40 हजार रूपये दिले जातील. यासाठी आठवड्यातून 1 त 4 तास म्हणजे कमीत कमी 35 मिनिटे रोज आंघोळ करावी लागेल. यादरम्यान तुम्ही टीव्ही बघू बघू शकता किंवा आपलं आवडीचं काम करू शकता.