महिलांसारखे स्कर्ट-हाय हील्स घालून ऑफिसला जातो, कारण वाचून तुम्हीही म्हणाला शाब्बास!

महत्वाची बाब म्हणजे मार्कची आतापर्यंत 3 लग्ने झाली आहेत. सध्या ज्या पत्नीसोबत तो राहतो तिच्यासोबत तो 11 वर्षांपासून आहे.

महिला आणि पुरूषांचे कपडे वेगवेगळे असतात. आजकाल एकावेळी महिलांनी पुरूषांचे कपडे घातले तर चांगलं दिसेल, पण पुरूषांनी जर महिलांचे कपडे घातले तर? नक्कीच त्यांची खिल्ली उडवली जाणार. पण अमेरिकेत एक अशी व्यक्ती आहे जो एक सीनिअर सिटीजन आहे. तरीही महिलांचे कपडे घालून चक्क ऑफिसला जातो. ही व्यक्ती हाय हील्स आणि स्कर्ट घालून ऑफिसला जातो.

61 वर्षीय या व्यक्तीचं नाव मार्क ब्रायन (Mark Bryan) आहे आणि तो एक रोबोटिक इंजिनिअर आहे तो सध्या जर्मनीमध्ये राहतो. इन्स्टावर त्याला 6 लाख लोक फॉलो करतात. यावर त्याने स्वत:ला स्ट्रेट असल्याचं सांगितलं. म्हणजे तो एक पुरूष आणि त्याला महिला आवडतात.

सीक्रेट लाइफ ऑफ मॉम वेबसाइटच्या रिपोर्टनुसार, त्याचा हा पेहराव बघून लोक त्याला समलैंगिक समजतात. कारण तो कपडे महिलांसारखे घालतो. इतकंच नाही तर हाय हील्सही घालतो. 

महत्वाची बाब म्हणजे मार्कची आतापर्यंत 3 लग्ने झाली आहेत. सध्या ज्या पत्नीसोबत तो राहतो तिच्यासोबत तो 11 वर्षांपासून आहे. या लग्नांमधून त्याला 3 मुलं आहेत आणि ते सुद्धा त्याच्या या पेहरावाला सपोर्ट करतात. 

पहिल्यांदा त्याने स्कर्ट आणि हील कॉलेजमध्ये असताना घातले होते. तेव्हा त्याच्या गर्लफ्रेंडने त्याला म्हटलं होतं की, जर त्याला तिच्यासोबत डान्स करायचा आहे तर स्कर्ट आणि हील घालूनच करावा लागेल. आता सीनिअर सिटीजन झाल्यावरही तो गेल्या 4 वर्षापासून हेच कपडे घालून ऑफिसला जातो.

असं करण्याचं कारण

आता तुम्हालाही प्रश्न पडला असेल की, तो असं का करत आहे? यावर त्याचं मत आहे की, कपड्यांमध्ये भेदभाव केला जाऊ नये. हे केवळ मनुष्यांच्या पसंत-नापसंतीवर अवलंबून असायला हवेत. लिंगानुसार नाही. 

त्याचं मत आहे की, त्याला लोकांच्या मनातील हा समज दूर करायचा आहे की, काही कपडे केवळ महिलांचे आहे आणि काही कपडे पुरूषांचे. तो म्हणतो की, जेव्हा तो एखाद्या महिलेला रस्त्यावर पेंसिल स्कर्ट आणि हीलमध्ये बघतो तेव्हा त्याला ती महिला शक्तीशाली बिझनेसवुमन वाटते. तिची प्रतिमा फार पावरफुल वाटते. त्यालाही तेच करायचं आहे.

(Image Credit : Instagram/markbryan911)