'ही तर केवळ सुरुवात...', स्वतःच्या बळावर करोडपती बनली ही 16 वर्षांची मुलगी, करते हे काम

महत्वाचे म्हणजे, 2012 मध्ये, अमेरिकेत फार कमी वयात स्वतःच्या बळावर श्रीमंत होणाऱ्या लोकांमध्ये तिचा समावेश होता.

एक मुलगी वयाच्या अवघ्या 16 व्या वर्षी असे काम करत आहे, जे मोठ-मोठे लोकही करू शकत नाहीत. एवढ्या कमी वयात करोडपती झालेल्या या मुलीचे नाव आहे, इसाबेल बॅरेट. हिने टीव्ही शोमध्येही काम केले आहे. याशिवाय तिने संगित क्षेत्रातही मोठे नाव कमावले आहेत. तिचे नवे गाणे 'बेस्ट फ्रेंड' लवकरच येत आहे. इसाबेलने वयाच्या अवघ्या पाचव्या वर्षी पहिल्यांदा लोकांचे लक्ष आपल्याकडे वेधून घेतले होते. तेव्हा ती एका टीव्ही शोमध्ये दिसली होती.

डेली स्टारच्या वृत्तानुसार, रिअॅलिटी टीव्ही शोमध्ये काम करणारी इसाबेल, इतरही अनेक शोमध्ये दिसली आहे. महत्वाचे म्हणजे, 2012 मध्ये, अमेरिकेत फार कमी वयात स्वतःच्या बळावर श्रीमंत होणाऱ्या लोकांमध्ये तिचा समावेश होता. यानंतर तिने अनेक प्रकारचे बिझनेस करायलाही सुरुवात केली होती. आता जवळपास सहा वर्षांच्या ब्रेकनंतर ती पुन्हा एकदा आपल्या संगीताने लोकांची मने जिंकण्यासाठी सज्ज आहे.

ब्रेकनंतर परतली संगित क्षेत्रात - 
इसाबेल म्हणते, 'संगीताच्या दुनियेत परतताना मला अत्यंत आनंद होत आहे. मोठा प्रवास करून घरी परतल्यासारखे वाटत आहे. हे सर्व सकारात्मक आहे. आपल्या टीव्ही आणि संगीत कारकिर्दीसोबतच इसाबेल गेल्या काही वर्षांपासून मॉडेलिंग इंडस्ट्रीतही काम करते. तिने न्यूयॉर्क फॅशन वीकमध्येही भाग घेतला होता. मॉडेलिंगचा अनुभव अत्यंत सुंदर असल्याचे तिने सांगितले. एवढेच नाही, तर आपल्या टॅलेंटेड फोटोग्राफर्स आणि स्टायलिस्ट सोबत काम करण्याची संधी मिळते, असेही तिचे म्हणणे आहे. 

भविष्यात आणिखी प्रोजेक्ट आणणार - 
ती सांगते, 'मी आत्ताशी कुठे सुरुवात केली आहे. भविष्यात आणखीही चांगले प्रोजेक्ट्स आहेत आणि मी ते सर्वांसोबत शेअर करण्यासाठी आणखी वाट पाहू शकत नाही. म्युझिक, फॅशन आणि अॅडव्हेंचर्ससाठी तयार व्हा...