41 वर्षानंतर मिळाला खऱ्या आईचा पत्ता, भेटायला गेला तर बाथरूममध्ये दिसला मृतदेह

एका व्यक्तीला बालपणीच दत्तक दिलं होतं. पण जेव्हा त्याला सत्य समजलं तेव्हा तो आपल्या खऱ्या आईला शोधण्यास निघाला.

अनेकदा व्यक्तीच्या जीवनात अशा घटना घडतात ज्यावर त्यांची ईच्छा असूनही ते नियंत्रण ठेवू शकत नाहीत. एका मुलासाठी त्याची आई जगात सगळ्यात महत्वाची असते. जर कुणाला समजलं की, ज्या महिलेला तो आई समजत होता तिने त्याला जन्मच दिला नाही तर याने कुणालाही धक्का बसेल. लंडनमध्ये राहणाऱ्या एका व्यक्तीला बालपणीच दत्तक दिलं होतं. पण जेव्हा त्याला सत्य समजलं तेव्हा तो आपल्या खऱ्या आईला शोधण्यास निघाला.

पण दुर्दैव असं की, जेव्हा 41 वर्षानंतर त्याने त्याच्या खऱ्या आईला शोधलं तेव्हा त्याला तिचा मृतदेह दिसला. खऱ्या आईला भेटण्यासाठी पोहोचलेल्या व्यक्तीला बाथरूममध्ये तिचा मृतदेह आढळला. ही घटना लंडनमध्ये राहणाऱ्या स्टीवन स्मिथसोबत घडली. स्टीवनचा जन्म होताच त्याला त्याच्या आईने दुसऱ्या कपलला दत्तक दिलं होतं.

स्टीवनचा जन्म झाला तेव्हा त्याचे वडील तुरूंगात शिक्षा भोगत होते. याच कारणाने स्टीवनच्या आईने त्याच्या चांगल्या भविष्यासाठी एका कपलला दत्तक दिलं होतं. जेव्हा स्टीवनला हे समजलं की, तो दत्तक आहे तर तो त्याच्या खऱ्या आई-वडिलांचा शोध घ्यायला निघाला. त्याला त्याची खरी ओळख हवी होती. स्टीवनला दत्तक घेणारं कपलही पाच वर्षानंतर वेगळं झालं होतं. 

आई पत्ता लागला, पण...

स्टीवनने त्याची ही कहाणी लोकांसोबत शेअर केली. त्याने सांगितलं की, 41 वर्षानंतर त्याला त्याच्या खऱ्या आईचा पत्ता लागला. पण जेव्हा तिला भेटण्यासाठी पोहोचला तेव्हा त्याच्या आईचा मृतदेह बाथरूममध्ये पडून होता. म्हणजे तो त्याच्या आईला भेटूच शकला नाही.

आता स्टीवन आपल्या बायोलॉजिकल वडिलांच्या शोधात आहे. स्टीवननुसार, त्याच्या वडिलांचं नाव frank आहे आणि ते अजूनही जिवंत आहेत. आता स्वत: मुलांचा पिता असलेला स्टीवन आपल्या वडिलांच्या शोधात आहे.