बाबो! ३० वर्षांपासून कापले नाहीत केस, आता केसांनीच झाकलं जातं पूर्ण शरीर

आज आम्ही तुम्हाला एका रिअल लाइफ रॅपन्जेलबाबत सांगणार आहेत. जिने ३० वर्षापासून कधीच केस कापले नाहीत. तिचं नाव अलोना क्रावचेंको असून ती ३५ वर्षांची आहे.

तुम्ही अनेक लोकांना अजब काम करताना ऐकलं आणि पाहिलं असेल. बऱ्याच लोकांना केस वाढवण्याची आवड असते. आज तुम्हाला अशाच एका महिलेबाबत सांगणार आहोत, जी केस वाढवल्यावर आता डिज्नी प्रिन्सेसपेक्षा कमी दिसत नाही. ती तिच्या लांब केसांमुळे चर्चेत आहे. चला जाणून घेऊ कोण आहे ही महिला...

आज आम्ही तुम्हाला एका रिअल लाइफ रॅपन्जेलबाबत सांगणार आहेत. जिने ३० वर्षापासून कधीच केस कापले नाहीत. तिचं नाव अलोना क्रावचेंको असून ती ३५ वर्षांची आहे. अलोनाचे गोल्डन लांब केस आहेत. जे बघून लोक तिला डिज्नी प्रिन्सेस म्हणतात. अलोनाचे ६.५ फूट लांब गोल्डन केस पाहून कुणाला ही ईर्ष्या वाटेल.

अलोना जेव्हा पाच  वर्षांची होती तेव्हापासून तिने केस कापले नाहीत. पण लांब केस सांभाळणं आणि केसांची लांबी कायम ठेवणं सोपं काम नव्हतं. अलोना म्हणाली की, ती कधी कधीच केस ट्रिमिंग करते आणि ते कायम तसेच ठेवण्यासाठी बरीच मेहनत लागते.

अलोनाने इन्स्टाग्रामवर तिचे बरेच फोटो पोस्ट केले आहेत. तिचे बरेच केस तिच्या उंचीपेक्षा जास्त वाढले आहेत. जेव्हा ती हे केस मोकळे सोडते तेव्हा पायांवर येत खालपर्यंत जातात.

अलोनाने एका मुलाखतीत सांगितलं की, लोकांनी तिला तिचे केस कापण्याची लाखो रूपयांची ऑफर दिली. पण तिने कधीच तिचे केस कापले नाहीत. अलोनाच्या आईने सांगितलं की, एका महिलेची सुंदरता तिच्या केसांमध्ये असते आणि त्यामुळे ती दर सहा महिन्यातून एकदा आपले केस ट्रिम करते.

आपलं आरोग्य आणि चमकदार केस कायम ठेवण्यासाठी अलोना जास्तीत जास्त नैसर्गिक उप्तादकांचा वापर करते आणि दिवसातून दोनदा केस विंचरते. आपल्या केसांच्या लांबीमुळे केस आठवड्यातून एकदा धुते. कारण एकदा तिला केस धुण्यासाठी ४० ते ६० मिनिटे लागतात.