दगा देणाऱ्या गर्लफ्रेंडच्या ऑफिसबाहेर लावलं बॅनर आणि त्यावर लिहिलं की...

एका व्यक्तीने दगा देणाऱ्या गर्लफ्रेंडला धडा शिकवण्यासाठी सगळ्या सीमा पार केला.

विवाहित जोडपी किंवा गर्लफ्रेंड-बॉयफ्रेंडने एकमेकांना दगा दिल्याच्या अनेक घटना समोर येत असतात. अशात असं काही झाल्यावर काही लोक रडत बसतात तर काही लोक याचा सूड घेतात. तसेच काही लोक दगा देणाऱ्या व्यक्तीबाबत सोशल मीडियावर आग पाखड करतात. पण एका व्यक्तीने दगा देणाऱ्या गर्लफ्रेंडला धडा शिकवण्यासाठी सगळ्या सीमा पार केला.

चीनमध्ये पोलिसांनी एका तरूणीच्या कंपनीबाहेर काही बॅनर लावल्याच्या आरोपात दोन लोकांना ताब्यात घेतलं. हे बॅनर तरूणीच्या एक्स-बॉयफ्रेंडने आणि त्याच्या सहकाऱ्याने तिचा अपमान करण्यासाठी लावले होते.

यावर तरूणीवर रिलेशनशिपमध्ये दगा दिल्याचा आरोप लावण्यात आला आणि सांगण्यात आलं की, एकाचवेळी दोन तरूणांसोबत ती अफेअरमध्ये होती. मध्य चीनच्या हुबेई प्रांतातील झेंग नावाच्या आरोपी बॉयफ्रेंडने ब्रेकअपनंतर आपलं नातं वाचवण्यासाठी अनेक प्रयत्न केले आणि जेव्हा काही फायदा झाला नाही तेव्हा त्याने सूड घेण्याचं ठरवलं.

झेंगने एका बॅनर ऑनलाईन मागवलं आणि आपला मित्र यानच्या मदतीने मोठमोठ्या शब्दात त्यावर तरूणीबाबत काही गोष्टी लिहून ते तिच्या ऑफिसबाहेर लावलं. या बॅनरचे फोटो ऑनलाईन व्हायरल झाले. त्यानंतर पोलिसांना याबाबत सांगण्यात आलं.

अधिकाऱ्यांनी लगेच पोहोचून बॅनर काढले आणि झेंग व यान यांना अटक केली. दोघांनाही 10 दिवसांसाठी अटक करण्यात आली.