तमंचा गर्ल! हातात पिस्तुल घेऊन नाचत होती बार डान्सर, व्हिडिओ व्हायरल होताच सत्य समोर

भोजपुरी गाण्यावर डान्स करताना तिने स्टेजवर अनेकवेळा बंदूक हवेत फिरवली. यादरम्यान त्या तरुणीसोबत इतर अनेक तरुणही डान्स (Tamanche Pe Disco Video) करत होते.

बिहारमधील नालंदामधून असं एक प्रकरण समोर आलं आहे, जे पाहून सगळ्यांनाच धक्का बसला. लग्न समारंभात बार गर्ल स्टेजवर डान्स करताना दिसली. सर्वात आश्चर्याची गोष्ट म्हणजे तिच्या हातात एक नाही तर दोन बंदूक होत्या (Girl Dances Around With Gun in Hand). भोजपुरी गाण्यावर डान्स करताना तिने स्टेजवर अनेकवेळा बंदूक हवेत फिरवली. यादरम्यान त्या तरुणीसोबत इतर अनेक तरुणही डान्स (Tamanche Pe Disco Video) करत होते. सध्या हा व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ नालंदामधील नूरसराय पोलीस स्टेशन क्षेत्रातील डोईया गावातील आहे.

स्थानिक लोकांच्या म्हणण्यानुसार, ही बाब याच महिन्यातील १३ एप्रिलची आहे, जेव्हा चेला पासवास यांनी गावात मुलीच्या लग्नानिमित्त सांस्कृतिक कार्यक्रमाचं आयोजन केलं होतं. यावेळी बार गर्ल्सनाही बोलावण्यात आलं होतं. व्हायरल होत असलेल्या व्हिडिओमध्ये आपण पाहू शकता की, डान्स करताना या बाला हातात बंदूक धरून उभा आहेत.

तिथले काही लोक तिच्यासोबत डान्स करताना दिसतात. मीडिया रिपोर्ट्सनुसार, इथे पाचवेळा राउंड फायरिंगही करण्यात आली होती. बार बालासोबत स्टेजवर ठुमका लगावणारा पिंटू कुमार हा चेला पासवान यांचा मुलगा आहे. स्थानिक पोलिसांना या प्रकरणाची माहिती मिळाली असून त्यांनी तपास सुरू केला आहे.

बार बाला बंदूक घेऊन नाचतानाचा व्हिडिओ सर्व सोशल मीडिया प्लॅटफॉर्मवर व्हायरल होत आहे. 'सीधे राइफल के नोक पर टंगा जाइवा' या भोजपुरी गाण्यावर रायफल दाखवत तरुणीने डान्स केला. बिहारमधील हे असं पहिलं प्रकरण नाही, याआधीही अशी अनेक प्रकरणं समोर आली आहेत. यूजर्स आता या व्हिडिओला 'तमंचे पर डिस्को' म्हणत ट्रोल करत आहेत. बेकायदेशीर शस्त्रे यापूर्वीही कॅमेऱ्यात कैद झाली आहेत. सध्या या प्रकरणाचा तपास सुरू आहे.