ऑर्डर केलेलं पार्सल कुणीतरी दारातच चोरी केलं, सीसीटीव्ही फुटेज बघुन महिलेला बसला धक्का!

एका महिलेनं आपल्या घराच्या पत्त्यावर काहीतरी ऑर्डर केलं, मात्र ते पार्सल तिच्या हाती लागण्यापूर्वीच कोणीतरी पळवलं होतं. जेव्हा तिनं याची माहिती घेण्यासाठी सीसीटीव्ही फुटेज बघितलं तेव्हा तिला धक्काच बसला.

अनेकदा अशा काही मजेशीर घटना घडतात ज्याची आपण कल्पनाच करु शकत नाही. एका महिलेनं आपल्या घराच्या पत्त्यावर काहीतरी ऑर्डर केलं, मात्र ते पार्सल तिच्या हाती लागण्यापूर्वीच कोणीतरी पळवलं होतं. जेव्हा तिनं याची माहिती घेण्यासाठी सीसीटीव्ही फुटेज बघितलं तेव्हा तिला धक्काच बसला.

ब्रिस्टल येथील महिला क्रिस्टिन लेविन जेव्हा आपली ऑर्डर घेण्यासाठी बाहेर गेली तेव्हा तिला हा ब़ॉक्स तिथे दिसला नाही. तिला असं वाटलं, की तिची ही ऑर्डर कोणीतरी चोरी केली आहे. महिलेनं चोरीच्या संशयातून जेव्हा सीसीटीव्ही फुटेज तपासलं तेव्हा हैराण करणारं दृश्य तिला दिसलं. महिलेला दिसलं, की तिचं पार्सल एक काळ्या रंगाचं अस्वल घेऊन पळालं आहे. या पॅकेटमध्ये काहीही महागाचं सामान नव्हतं तर काही टॉयलेच पेपर रोल होते.

महिलेनं जेव्हा या पॅकेजचा शोध घेण्यास सुरुवात केली तेव्हा समजलं की अस्वलानं हे पॅकेज शेजारीच टाकलं होतं. यानंतर क्रिस्टिननं आपल्या फेसबुक अकाऊंटवरुन एक व्हिडिओदेखील पोस्ट केला. हा व्हिडिओ पोस्ट करत महिलेनं लिहिलं, की या व्यक्तीनं माझं पॅकेज उचललं. चोरीच्या सामानाच्या बदल्यात  रिप्लेसमेंट मिळेल का? इंटरनेटवर हा व्हिडिओ चांगलाच व्हायरल झाला आहे.