VIDEO : वादळ-वाऱ्यात आईच्या दुकानाला वाचवत आहे चिमुकला, पाहून मन येईल भरून...

Viral Video : या व्हिडिओतील चिमुकल्याने लोकांचं मन जिंकलं आहे. यात एक मुलगा वादळात आपल्या आईला मदत करताना दिसत आहे. हा व्हिडीओ न काही बोलता बरंच काही व्यक्त करतो.

Viral Video : आई आणि मुलांचं नातं हे जगातल्या सगळ्या नात्यांमध्ये खास आणि अनमोल असतं. सोशल मीडियावर आई आणि मुलाच्या नात्यांचे अनेक भावनिक व्हिडीओ व्हायरल होत असतात. अशाच एक व्हिडीओ सध्या लोकांच्या मनाला भावत आहे. या व्हिडिओतील चिमुकल्याने लोकांचं मन जिंकलं आहे. यात एक मुलगा वादळात आपल्या आईला मदत करताना दिसत आहे. हा व्हिडीओ न काही बोलता बरंच काही व्यक्त करतो.

तसा तर लहान मुलांचा आपल्या आईसोबत फार स्ट्रॉन्ग बॉन्ड असतो. जेव्हाही लहान मुले घरातील मोठ्यांना काम करताना बघतात तेव्हा जमेल ती मदत करण्याचा प्रयत्न करत असतात. तेच या व्हायरल व्हिडिओत बघायला मिळत आहे. वादळ आलेलं असताना आपल्या आईच्या दुकानाचं नुकसान होऊ नये म्हणून तो मदत करत आहे.

तुम्ही बघू शकता की, जोरात वादळ आलं आहे आणि जोरदार हवेमुळे दुकानाची ताडपत्री उडत आहे तो ती धरून आहे. अशात त्याच्या लक्षात येतं की, त्याची खुर्ची उडाली आहे. तर तो धावत जाऊन खुर्ची आणतो. तर त्याची आई दुकानातील साहित्य पॅक करताना दिसत आहे. त्याच आईची तो मदत करत आहे.

View this post on Instagram

A post shared by Strictly For Memes (@strictlyformeme)

लहान मुलाचा हा जबरदस्त व्हिडीओ सध्या व्हायरल झाला आहे. हजारो लाईक्स आणि तेवढेच व्ह्यूज या व्हिडिओला मिळत आहे. त्यासोबतच लोक यावर भरभरून कमेंट्स करत आहेत. आतापर्यंत 8 हजारांपेक्षा जास्त लाइक्स मिळाले आहेत.