पत्नीपासून घटस्फोट घेतला....आनंद साजरा करण्यासाठी बंजी जंपिंग करण्यास गेला, दोरी तुटली आणि...

Bungee Jumping By Man: एका व्यक्तीने पत्नीला घटस्फोट दिल्यानंतर आनंद साजरा करण्यासाठी तो टूरवर निघाला आणि बंजी जंपिंग करण्यासाठी पोहोचला. पण त्याने बंजी जंपिंगसाठी जशी उडी घेतली तेव्हा ती दोरी तुटली.

Bungee Jumping By Man: अ‍ॅडव्हेंचर आवडणाऱ्या लोकांना सतत काहीतरी रोमांचक करायचं असतं. बंजी जंपिंगची क्रेझ सध्या सगळीकडे वाढली आहे. हा एक फारच शानदार आणि नेहमी लक्षात राहणारा अनुभव असतो. पण यासाठी खूप हिंमत असावी लागते. यासंबंधी एक अशी घटना समोर आली जी वाचून सगळेच हैराण झाले आहेत. एका व्यक्तीने पत्नीला घटस्फोट दिल्यानंतर आनंद साजरा करण्यासाठी तो टूरवर निघाला आणि बंजी जंपिंग करण्यासाठी पोहोचला. पण त्याने बंजी जंपिंगसाठी जशी उडी घेतली तेव्हा ती दोरी तुटली.

70 फूट उंचावरून मारली उडी

ही घटना पोर्तुगालमध्ये राहणाऱ्या राफेलसोबत घडली. 22 वर्षीय हा तरूण कौटुंबिक वादांमुळे हैराण होता आणि अशात त्याने पत्नीला घटस्फोट दिला. या घटस्फोटाचा आनंद साजरा करण्यासाठी तो ब्राझीलला फिरण्यासाठी गेला. राफेलने बंजी जंपिंग करण्याचा प्लान केला. पण त्याला याचा अजिबात अंदाज नव्हता की, त्याच्यासोबत काय होणार आहे. राफेलने जशी 70 फूट उंचावरून उडी मारली त्याची दोरी तुटली.

गंभीर जखमी झाला

त्यानंतर तो इतक्या उंचावरून बघता बघता खोल दरीत पडला. लोकांना वाटलं की, त्याचा मृत्यू झाला असेल. पण सुरक्षा आणि बचाव दलाच्या लोकांच्या काही तासांच्या मेहनतीनंतर त्याला दरीतून बाहेर काढण्यात आलं. पण त्याची स्थिती गंभीर होती. त्याची जवळपास सगळीच हाडे मोडली होती. त्याचा श्वास सुरू होता. त्याला लगेच हॉस्पिटलमध्ये दाखल करण्यात आलं.

हेही सांगण्यात आलं की, हॉस्पिटलमध्ये पोहोचल्यावर तरूणाने स्वत: सांगितलं की, तो त्याच्या घटस्फोटाचा आनंद साजरा करण्यासाठी आला होता. मला सगळ्या पद्धतीने जीवनाचा आनंद घ्यायचा होता. दरम्यान त्याच्यासोबत ही घटना घडली. सध्या त्याच्यावर उपचार सुरू आहेत.