बस ड्रायव्हर कंडक्टरच्या मुलीच्या पडला प्रेमात, फारच इंटरेस्टींग आहे लव्हस्टोरी

Love Story : एक बस ड्रायव्हर ज्या मार्गाने बस चालवत होता त्याच मार्गाने बस कंडक्टरचं घर होतं. जिथे तो कधी कधी जेवण करण्यासाठी थांबत होता.

Love Story : बिहारच्या मुजफ्फरपूरमध्ये एक सरकारी बस ड्रायव्हर त्याच बसच्या कंन्डक्टरच्या मुलीच्या प्रेमात पडला आणि दोघेही घरातून फरार झाले. यानंतर एखाद्या सिनेमाच्या कथेसारखं त्यांचं लग्न झालं. या घटनेची कहाणी फारच इंटरेस्टींग आहे.

झालं असं की, एक बस ड्रायव्हर ज्या मार्गाने बस चालवत होता त्याच मार्गाने बस कंडक्टरचं घर होतं. जिथे तो कधी कधी जेवण करण्यासाठी थांबत होता. यादरम्यान त्याची भेट बसच्या कंडक्टरच्या मुलीसोबत झाली. यादरम्यान ते एकमेकांच्या प्रेमात पडले.

अनेक महिने हा सिलसिला सुरू होता. त्यानंतर दोघांनी लग्न करण्याचा निर्णय घेतला आणि घरातून फरार झाले. मुलगी घरातून पळून गेल्यावर कंडक्टर वडील पोलिसांकडे गेला आणि ड्रायव्हर विरोधात तक्रार दाखल केली.

पोलिसांनी मोबाइल लोकेशनच्या आधारावर तरूण आणि तरूणीला ताब्यात घेतलं त्यानंतर त्यांना पोलीस स्टेशनला नेलं. तिथे दोघांनीही ते वयस्क असल्याचा दावा केला. पोलिसांनी याची चौकशी केली तर ते सत्य निघालं. त्यानंतर पोलिसांनी दोघांच्या परिवारांना बोलवलं आणि समजावून सांगितलं.

दोघेही वयस्क असल्याने दोघांचेही परिवार लग्नासाठी तयार झाले आणि त्यांनी लग्न लावून दिलं. त्यानंतर लगेच बाजारातून लग्नाचं साहित्य आणलं आणि तरूणाने तरूणीच्या भांगेत कुंकू भरलं. पोलीस स्टेशनच्या आवारातील मंदिरात त्यांचं लग्न लागलं.

लग्नानंतर तरूण म्हणाला की, तो सरकारी बस चालवतो आणि तीन-चार महिन्यांपासून बस कंडक्टरच्या मुलीच्या प्रेमात पडला. आम्ही आमच्या मर्जीने लग्न केलं. आम्ही लग्न रजिस्टर्डही केलं आहे. दोघेही आनंदी आहेत.

तेच लग्नाबाबत तरूणाची आई म्हणाली की, माझा मुलगा बस चालवतो आणि मुलीचा वडील बस कंडक्टर आहे. मुलगा त्याच्या घरी जेवण करायला जात होता. यादरम्यान दोघे प्रेमात पडले. दोघांनी लग्न केलं. आम्हाला याचा आनंद आहे.