आपल्या खोलीत झोपायला घाबरायची मुलगी, आईला सत्य समजताच सरकली पायाखालची जमीन

या महिलेची मुलगी आपल्या बेडरूममध्ये एकटं झोपायला घाबरत होती. मुलीने महिलेला जे कारण सांगितलं ते ऐकून तिच्या पायाखालची जमीनच सरकली (Mother Daughter Horror Story) .

जून : मुलं थोडी मोठी झाली की बरेच पालक त्यांना वेगळ्या रूममध्ये झोपवतात. आपल्या मुलीलाही असं दुसऱ्या खोलीत एकटं झोपवणाऱ्या मुलीबाबत असा अनुभव शेअर केला आहे (Ghost Stories) . जो वाचून तुम्हालाही घाम फुटेल. या महिलेची मुलगी आपल्या बेडरूममध्ये एकटं झोपायला घाबरत होती. मुलीने महिलेला जे कारण सांगितलं ते ऐकून तिच्या पायाखालची जमीनच सरकली (Mother Daughter Horror Story) .

महिलेने सोशल मीडिया टिकटॉकवर आपल्या घरातील एका घटनेबाबत सांगितलं आहे. महिलेने सांगितल्यानुसार तिची मुलगी आता थोडी मोठी झाली होती. तिला लोळायची सवय, त्यात ती लाथही मारायची. त्यामुळे महिलेलाही झोप लागायची नाही. त्यामुळे ती मुलीला दुसऱ्या खोलीत एकटीला झोपवून यायची.

पण तिची मुलगी बऱ्याचदा झोपेतून किंचाळत उठायची. ती आपल्या आईच्या खोलीत यायची. आईकडे येऊन ती मला एकटं झोपवू नको, अशी विनवणी करत  ढसाढसा रडायची. एकटं झोपायला तिने नकार दिला.

सुरुवातीला महिलेला काही समजेना. पण तिची मुलगी वारंवार असं करू लागल्याने तिलाही चिंता वाटू लागली. तिने शेवटी याचं कारण आपल्या मुलीला विचारल. तेव्हा तिच्या मुलीने तिला जे सांगितलं ते धक्कादायक होतं.

मुलीने आपल्या आईला सांगितलं की, तिच्या खोलीत एक महिला यायची. ती दुसरी महिला तिच्या आईसारखीच दिसत होती. पण ती आपली आई नही हे तिला माहिती होती. ती महिला तिला आपल्यासोबत खोलीतील कपाटात यायला सांगायची. तिला एकटीला पाहून तिच्या आईसारखी दिसणारी ती महिला दररोज रात्री यायची. जेव्हा ती महिलेला नकार द्यायची तेव्हा ती तिला ओरडायची. म्हणूनच तिची मुलगी किंचाळत असे.

महिलेने दावा केला आहे की, एक आत्मा तिच्या मुलीला भेटायला येत. आपल्या मुलीची अवस्था पाहून तिने याबाबत सोशल मीडियावर ही घटना शेअर करण्याचं ठरवलं. यानंतर अनेकांनी यावर कमेंट केल्या आहेत. अनेकांनी तिला आपल्या मुलीला आपल्यासोबत झोपवण्याचा सल्ला दिला आहे. एकटी झोपल्यास मुलीला दिसणारी सावली तिला नुकसान पोहोचवू शकते, असं त्यांनी म्हटलं आहे.