तरूणाने केली DNA टेस्ट अन् समोर आलं आईचं गुपित; रातोरात सगळंच बदललं...
By ऑनलाइन लोकमत | Published: March 18, 2023 12:23 PM2023-03-18T12:23:09+5:302023-03-18T12:23:32+5:30
डेली स्टार न्यूज वेबसाइटच्या रिपोर्टनुसार सोशल मीडिया साइट रेडिटवर एका 19 वर्षीय अशी गोष्टी सांगितली ज्याबाबत वाचल्यावर सगळेच हैराण झाले.
तरूणाने केली DNA टेस्ट अन् समोर आलं आईचं गुपित; रातोरात सगळंच बदललं...
Next प्रत्येक परिवारामध्ये काहीना काही रहस्य असतात जे त्या परिवाराचे आपले असतात. ते दुसऱ्या कुणाशी शेअर केले जात नाहीत. पण परिवारातील प्रत्येक एका सदस्यांचेही काही रहस्य असतात जे त्यांना इतरांसमोर आणायचे नसतात. जेव्हा ते रहस्य किंवा गुपित समोर येतात तेव्हा कुटुंब उद्ध्वस्त होतं. असंच एका 19 वर्षीय तरूणासोबत झालं जेव्हा त्याने त्याची डीएनए टेस्ट केली. या डीएनए टेस्टमधून असं काही समोर आलं की, त्याच्या पालाखालची जमिनच सरकली.
डेली स्टार न्यूज वेबसाइटच्या रिपोर्टनुसार सोशल मीडिया साइट रेडिटवर एका 19 वर्षीय अशी गोष्टी सांगितली ज्याबाबत वाचल्यावर सगळेच हैराण झाले. जेव्हा अनेक वर्षापासून लपवून ठेवलेलं गुपित समोर तेव्हा सगळ्यांना धक्का बसतो. पण जेव्हा गुपित आपल्याच आईबाबत असेल तर सगळंच बदलतं. तरूणाने सांगितलं की, त्याने त्याच्या वाढदिवसाला मिळालेल्या मनी पॉकेटमधून त्याची डीएनए टेस्ट केली होती. त्याच्या वडिलांनाही टेस्ट करण्याचा चस्का लागला होता आणि तर त्यांनीही तरूणासोबत टेस्ट केली.
काय झाला टेस्टचा रिपोर्ट?
8 हजार रूपयांमध्ये केलेल्या या डीएनए टेस्टमधून त्याच्या आईचं गुपित समोर आलं होतं. झालं असं की, रिपोर्ट समोर आला तेव्हा तरूणाचा डीएनए त्याच्या वडिलांसोबत केवळ 29.2 टक्केच मॅच होता होता आणि असं लिहिलं गेलं होतं की, तो त्याचा सावत्र भाऊ असू शकतो. पण हे चुकीचं होतं. त्यानंतर तरूणाने त्याच्या चुलत बहिणीची टेस्ट केली आणि दोघांना मॅच करून पाहिलं तर त्यांचा डीएनए सुद्धा 24.6 टक्के मॅच झाला. हेही अजब होतं.
आईने सांगितलं सत्य
तरूणाला समजलं होतं की, काहीतरी गुपित नक्कीच लपवण्यात आलं आहे. त्याने सगळ्या गोष्टी जोडल्या आणि त्यानंतर या निष्कर्षावर पोहोचला की, त्याच्या आईचे त्याच्या काकासोबत अनैतिक संबंध होते आणि म्हणजे त्याचा खरा पिता त्याचा काका आहे. तरूणाने याबाबत सरळपणे आईला विचारलं तर आईने सगळं सांगितलं.
तरूणाने लगेच याची माहिती आपल्या वडिलांसोबत सगळ्या परिवाराला दिली. तरूणाने लिहिलं की, त्याच्या डोळ्यांसमोर त्याच घर उद्ध्वस्त झालं. आई-वडिलांमध्य भांडण झालं आणि काकासोबतही वडिलांनी मारहाण केली. तरूणाच्या या पोस्टवर लोक वेगवेगळ्या कमेंट्स करत आहेत.