रेल्वेच्या डब्यांवरील 'या' ५ आकड्यांचा अर्थ काय असतो? 99 टक्के लोकांना नसेल माहीत

तुम्ही अनेकदा रेल्वेच्या डब्यावर लिहिलेला 5 अंकी कोड पाहिला असेलच, पण त्याचा अर्थ काय होतो हे तुम्हाला माहीत नसेल. या कोडमध्ये काही रहस्य असतात. तेच जाणून घेऊ.

भारतात रोज लाखो लोक रेल्वेने एका ठिकाणाहून दुसऱ्या ठिकाणी प्रवास करतात. रेल्वेचा प्रवास हा एक वेगळाच अनुभव देणारा असतो. स्वस्त आणि मस्त प्रवासासाठी भारतीय रेल्वे ओळखली जाते. म्हणून भारतीय रेल्वेला देशाची लाइफलाईन म्हटलं जातं. रेल्वेने लाखो लोक प्रवास करतात, पण त्यांना रेल्वेबाबत अनेक गोष्टी माहीत नसतात. आज अशाच एका गोष्टीबाबत आम्ही तुम्हाला सांगणार आहोत. तुम्ही अनेकदा रेल्वेच्या डब्यावर लिहिलेला 5 अंकी कोड पाहिला असेलच, पण त्याचा अर्थ काय होतो हे तुम्हाला माहीत नसेल. या कोडमध्ये काही रहस्य असतात. तेच जाणून घेऊ.

रेल्वेच्या डब्यावरील 5 डिजिटच्या या कोडमध्ये बरीच माहिती लपलेली असते. यात बोगीबाबत, त्याचं निर्माण कधी झालं याची माहिती आणि कोचच्या प्रकाराबाबत माहिती दडलेली असते. 5 मधील पहिले दोन नंबर दर्शवतात की, कोच कोणत्या वर्षात तयार करण्यात आला होता. तेच शेवटचे तीन नंबर सांगतात की, कोच कोणत्या प्रकारचा आहे.

पहिल्या दोन कोडचा अर्थ

डब्यावरील कोडमधून जर तुम्हाला कोचबाबत माहिती काढायची असेल तर याला दोन भागात विभागून बघा. जसे की, कोचचा नंबर जर 00296 आहे हा नंबर 00 आणि 296 असा डिवाइड करा. पहिल्या दोन कोडचा अर्थ आहे की, हा कोच साल 2000 मध्ये तयार करण्यात आला. जर एखाद्या कोचवर 95674 असा कोड लिहिला असेल तर याचा अर्थ कोचचं निर्माण 1995 मध्ये झालं आहे.

नंतरच्या 3 कोडचा अर्थ

पाचपैकी शेवटच्या तीन नंबरवरून कोचचा प्रकार जाणून घेता येतो. जर एखाद्या कोचचा नंबर 00296 असेल तर याचा दुसरा भाग 296 हे दर्शवतो की, डब्बा स्लीपर कोच आहे. जर कोचचा नंबर 95674 तर याचा अर्थ हा आहे की, कोच सेकंड क्लास सीटिंग/ जन शताब्दी चेअर कार आहे.

नंबर आणि त्यांचा अर्थ

001-025    एसी फर्स्ट क्लास
026-050    कंपोजिट (1AC + AC-2T)
051-100    एसी-टू टियर
101-150    एसी- थ्री टियर
151-200    सीसी (एसी चेयर कार)
201-400    स्लीपर (सेकंड क्लास स्लीपर)
401-600    जनरल सेकंड क्लास
601-700    सेकंड क्लास सीटिंग/जन शताब्दी चेयर कार
701-800    सीटिंग कम लगेज रॅक
801+    पॅंट्री कार, जनरेटर आणि मेल